IPLIN
 
  • Home
  • India
  • Singrauli Reliance power plant ash dam collapse 2 die 4 missing

દુર્ઘટના / સિંગરોલીમાં રિલાયન્સ પાવર પ્લાન્ટનો એશ ડેમ તૂટી પડ્યો: 2ના મોત 4 લાપતા; રાખનો કાદવ આખા વિસ્તારમાં ફરી વળ્યો

Team VTV 06:03 PM, 11 Apr 20 | Updated: 06:38 PM, 11 Apr 20
Follow us
Singrauli Reliance power plant ash dam collapse 2 die 4 missing

સિંગરોલી મધ્યપ્રદેશમાં રિલાયન્સ પાવર પ્લાન્ટનું એક 'એશ' એટલે કે રાખ ડમ્પ કરવાનું સ્થળ હતું. આ સ્થળે ચિક્કાર ભરાયેલા રાખના જાડા કાદવ વાળા પાણીનું એક તળાવ હતું. શુક્રવારે આ તળાવ ઉપરનો એશ ડેમ તૂટી જતા આ રાખનું કાદવવાળું પાણી બધે ફરી વળ્યું હતી. આ ઘટનામાં ૨ લોકોના મોત થયા છે અને ૪ થી ૫ વ્યક્તિ લાપતા છે તેવા સમાચાર મળી રહ્યા છે.

નોંધનીય છે કે આ પ્રકારનો પાવર પ્લાન્ટનો એશડેમ તુટવાનું ઘટના સિંગરોલી જીલ્લામાં ત્રીજી વખત બની છે. બે મૃતકોની ઓળખ અભિષેક (૮ વર્ષની ઉંમર) અને દિનેશ કુમાર (૩૫ વર્ષની ઉંમર) તરીકે થઇ છે. લાપતા લોકો માટે સર્ચ ઓપરેશન થઇ રહ્યું છે. સિંગરોલીના જીલ્લા કલેકટરે આપેલી માહિતી પ્રમાણે તળાવના કિનારે રહેતા લોકોના ઘરે પાણી ફરી વળતા વ્યક્તિઓ તેમાં તણાઈ ગયા હતા. તંત્ર અસરગ્રસ્તોને રાહત આપવા માટે સક્રિય છે. આ ઉપરાંત આ ગંદુ પાણી જ્યાં ફરી વળ્યું એ વિસ્તારોના ખેતરોનો પાક ખેદાન મેદાન થઇ ગયો છે. 

કમલનાથના સરકાર ઉપર પ્રહાર

કોંગ્રેસના નેતા અને પૂર્વ મુખ્યમંત્રી કમલનાથે આ મુદ્દે સરકારને ઘેરીને ખેડૂતો અને અસરગ્રસ્તોને તાત્કાલિક વળતર આપવાની માંગ કરી છે. આ મુદ્દે બેદરકારીના આક્ષેપો પણ સામે આવી રહ્યા છે. 

કોંગ્રેસના નેતા અને પૂર્વ મુખ્યમંત્રી કમલનાથ

રિલાયન્સનું શું કહેવું છે?

રિલાયન્સે અહેવાલો પ્રમાણે એક નિવેદન આપીને કહ્યું છે કે રાખ ડમ્પ કરવાના યાર્ડની દીવાલ તૂટી જતા પ્રાણી આગળ વધીને સરહદ વટાવીને ફરી વળ્યું હતું. આમ કેમ બન્યું એ માટે તપાસ થઇ રહી છે. હાલ અમે બચાવ કાર્યમાં સ્થાનિક લોકો અને જીલ્લા વહીવટી તંત્રની સાથે મળીને કામ કરી રહ્યા છે.

પાવર પ્લાન્ટના વિરોધમાં પહેલેથી ધરણા ચાલી રહ્યા છે

અહીંના એક સ્થાનિકે કહ્યું કે ગયા વર્ષે અમે અહીં લીકેજને કારણે ૨૪ કલાક માટે ધરણા કર્યા હતા. અમને ભય હતો કે આ બંધ તૂટી જશે. અત્યારે સાચે જ બંધ તૂટી ગયો અને ૨ લોકો મરી ગયા અને ૪ રિલાયન્સના મજૂરો તણાઈ ગયા. 

 

 

આ કાદવ છે ભયંકર ઝેરી

નોંધનીય છે કે આવા એશ ડેમમાં જમા થતી રાખ એ વીજળી બનાવવા માટે વપરાતા કોલસામાંથી આવે છે. આ એશ ડેમ ભયંકર પ્રદૂષિત તત્વો ધરાવે છે જેમાં સિલિકા, આર્સેનિક, એલ્યુમિનિયમ, મરકયુરી વગેરેનો સમાવેશ થાય છે. આ રાખ ધરાવતું ગંદુ પાણી રેણુકા નદી ઉપર બાંધેલા રિહંદ ડેમ સુધી પહોંચી ગયું. આ ડેમથી લાખો લોકોને ચોખ્ખા પાણીનો સપ્લાય મળે છે. 

દેશનું બીજું સૌથી પ્રદૂષિત ઇન્ડસ્ટ્રીયલ ઝોન

એ પણ ઉલ્લેખનીય છે કે આ જીલ્લામાં વીજળીના ઉત્પાદનના ૧૦ પાવર પ્લાન્ટ છે જેની ક્ષમતા ૨૧૦૦૦ મેગાવોટ છે. આ સાથે જ સેન્ટ્રલ પોલ્યુશન કન્ટ્રોલ બોર્ડના અહેવાલ પ્રમાણે આ ગાઝિયાબાદ પછીનું દેશનું બીજું સૌથી પ્રદૂષિત ઇન્ડસ્ટ્રીયલ ઝોન છે.  

Reliance Power plant Madhya Pradesh coal કોલસો પાવર પ્લાન્ટ મધ્ય પ્રદેશ રિલાયન્સ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ