સુરત / સિંગલ યૂઝ પ્લાસ્ટિકને લઇને સૂમૂલ ડેરીની વધી શકે છે મુશ્કેલી

• સિંગલ યૂઝ પ્લાસ્ટિક મુદ્દે ડેરી સામે નવી મુશ્કેલી
• હાલમાં ડેરી સિંગલ યૂઝ પ્લાસ્ટિકનો કરે છે ઉપયોગ
• 2 ઓક્ટોબર સુધીમાં વિકલ્પ શોધવા માટેનો અપાયો છે આદેશ

સૂમૂલ ડેરીને પ્લાસ્ટિકની થેલીને લઇને દૂધ પર લાગી શકે છે પ્રતિબંધ

સૂરતની સૂમૂલ ડેરી પર દૂધ માટે ઉપયોગ કરવામાં આવી સિંગલ પ્લાસ્ટિકને લઇને નવી મુશ્કેલી આવી શકે છે.  હાલમાં સૂમૂલ ડેરી દ્વારા જે પ્લાસ્ટિકની થેલીનો ઉપયોગ કરવામાં આવે છે તે થેલી સિંગલ યૂઝની પ્લાસ્ટિકમાં આવે છે. આમ જો આગામી દિવસમાં આ થેલીનો ઉપયોગ બંધ કરવામાં નહીં આવે તો પ્રતિબંધ લાગે તેવી સંભાવના છે.

મનપા દ્વારા 2જી ઓક્ટોબર સુધીનો અપાયો છે સમય

દેશભરમાં 2જી ઓક્ટોબરથી પ્લાસ્ટિક પર પ્રતિબંધ લગાવવામાં આવે તેવી શક્યતા છે. જેને લઈને સૂમૂલના અધિકારીઓને મનપાએ મિટિંગ માટે બોલાવ્યા છે. આજે મળનારી બેઠક બાદ આ અંગેનું ચિત્ર સ્પષ્ટ થશે. સૂમૂલ ડેરી દ્વારા લાખો લીટર દૂધ પ્લાસ્ટિકની થેલીમાં વેચવામાં આવે છે. 2જી ઓક્ટોબર સુધીમાં મનપા કમિશનરે વિકલ્પ શોધવા માટેનો આદેશ આપ્યો છે.

ગત મહિને સુમુલ ડેરીએ દૂધના ભાવમાં કર્યો હતો વધારો

સુરતમાં આવેલી સુમુલ ડેરીએ ગત મહિને દૂધના ભાવમાં વધારો કર્યો હતો. જેમાં ડેરી દ્વારા પ્રતિ લિટરમાં બે રૂપિયાનો ભાવ વધારો કરાયો હતો. આ ભાવ વધારા પાછળ પશુદાણના ભાવ વધારાને ઠેરવવામાં આવ્યો હતો. જેને લઇને તાજાનો ભાવ 43 અને ગોલ્ડનો 52 રૂપિયા ભાવ થયો હતો.