સુરત ખાતે સૂમૂલ ડેરી સામે નવી મુશ્કેલી સામે આવી રહી છે. સિંગલ પ્લાસ્ટિક મુદ્દે ડેરી સામે ઉભી થયેલી મુશ્કેલીને લઇને એકશન પ્લાન રજૂ કરવા માટે મનપા પાસે 7 દિવસનો સમય માંગ્યો છે.
સૂમૂલ ડેરીએ એક્શન પ્લાન રજૂ કરવા 7 દિવસનો માગ્યો સમય
પ્લાસ્ટિક રિસાયકલ માટે મનપાએ કંપનીને સોંપી કામગીરી
ગ્રાહકો પાસેથી થેલી પરત લઇ રિસાઇકલ કરાશે
સૂમૂલ ડેરીએ મનપા પાસે એકશન પ્લાન રજૂ કરવા માંગ્યો સમય
સૂરત ખાતે આવેલ સૂમૂલ ડેરીએ મનપા પાસે સિંગલ પ્લાસ્ટિક મુદ્દે એકશન પ્લાન રજૂ કરવા માટે 7 દિવસનો સમય માંગ્યો છે. ડેરી સામે સિંગલ પ્લાસ્ટિક મુદ્દે નવી મુશ્કેલી સામે આવી છે.
ગઇકાલે સુરત મનપાની બેઠક યોજાઇ
સુરત મહાનગરપાલિકાની ગઇકાલે બેઠક યોજાઇ હતી. જેમાં આગામી 2 ઓક્ટોબરથી પ્લાસ્ટિક પર પ્રતિબંધના અમલની જાહેરાત બાદ શહેરમાં અમલને લઇને ચર્ચા કરવામાં આવી હતી. જેમાં ગ્રાહકો પાસેથી થેલી પરત લઇને રિસાઇકલ કરવામાં આવશે. જેને લઇને પ્લાસ્ટિક રિસાયકલ માટે કંપનીને કામગીરી સોંપવામાં આવશે તેવી જાહેરાત કરવામાં આવી હતી.
મનપા દ્વારા સૂમૂલ ડેરીને અપાયો હતો સમય
દેશભરમાં 2જી ઓક્ટોબરથી પ્લાસ્ટિક પર પ્રતિબંધ લગાવવામાં આવે તેવી શક્યતા છે. જેને લઈને સૂમૂલના અધિકારીઓને મનપાએ ગઇકાલે મિટિંગ માટે બોલાવ્યા હતા. આ મળેલી બેઠકમાં સૂમૂલ ડેરી 7 દિવસનો સમય માંગ્યો છે. સૂમૂલ ડેરી દ્વારા લાખો લીટર દૂધ પ્લાસ્ટિકની થેલીમાં વેચવામાં આવે છે. જેને લઇને 2જી ઓક્ટોબર સુધીમાં મનપા કમિશનરે વિકલ્પ શોધવા માટેનો આદેશ આપ્યો હતો.