ચિંતા / ના હોય! બાળકોની મનગમતી ફ્રુટીના ભાવ વધી જશે? સરકારના નિર્ણયે વધાર્યું ટૅન્શન, કંપનીએ જુઓ શું કરી માગ

• દેશમાં 1 જુલાઈથી અમલી બનશે પ્લાસ્ટિક પ્રતિબંધનો નિયમ
• સરકારે કરી તૈયારીઓ
• ટૅટ્રા પેકમાં મળતી ફ્રુટી બંધ થઈ જશે કે શું? ઉઠ્યા સવાલો

જણાવી દઈએ કે 1 જુલાઈ, 2022થી દેશમાં સિંગલ યુઝ પ્લાસ્ટિક પર પ્રતિબંધ લાગવા જઈ રહ્યો છે. આવી સ્થિતિમાં, સોફ્ટ ડ્રિંક્સ બનાવતી કંપનીઓએ 10 રૂપિયાના પેકની કિંમત વધારવા અથવા તેને બંધ કરવાની ચિંતા શરૂ કરી દીધી છે.

ટ્રેટા પેકની કંપનીઓની વધી ચિંતા 

Frooti, Tropicana, Slice, Real અને Maaza જેવા સોફ્ટ અને જ્યુસ ડ્રિંક્સ કંપનીઓ દ્વારા ટ્રેટા પેકમાં 10 રૂપિયામાં વેચવામાં આવે છે. આ સાથે જ્યુસ પીવા માટે ગ્રાહકોને સ્ટ્રો પણ આપવામાં આવે છે. પરંતુ હવે પ્લાસ્ટિક પર પ્રતિબંધ લાગવા જઈ રહ્યો છે તો આ સ્ટ્રો પર પણ પ્રતિબંધ લાગી શકે છે, તેમની સામે બીજો કોઈ વિકલ્પ નથી.

સરકારે પાસે કંપનીઓ કરી 6 મહિનાની માગણી 

Frooti અને Appyની લોકપ્રિય બ્રાન્ડ કંપની પારલે એગ્રોએ(Parle Agro) સરકાર પાસે પ્લાસ્ટિક સ્ટ્રો પર પ્રતિબંધની સમયમર્યાદા 6 મહિના સુધી વધારવાની માંગ કરી છે. પારલે એગ્રો કહે છે કે, 'પ્લાસ્ટિક પ્રતિબંધની FMCG ઉદ્યોગના વ્યવસાય પર ખરાબ અસર પડશે.'

1 જુલાઈથી દેશમાં લાગૂ થઈ રહ્યો છે સિંગલ યુઝ પ્લાસ્ટિક પર પ્રતિબંધ

1 જુલાઈ, 2022 થી, પ્લાસ્ટિક સ્ટ્રો જેવા સિંગલ યુઝ પ્લાસ્ટિક પર પ્રતિબંધ મૂકવામાં આવશે. પારલે એગ્રોએ એક નિવેદનમાં કહ્યું કે, 'પ્લાસ્ટિક સ્ટ્રોના ઉપયોગ પર પ્રતિબંધ મૂકવાના સરકારના સમર્થનમાં છે. પરંતુ તેમને છ મહિનાનો સમય જોઈએ છે.