બસ પર ચઢવાનો પ્રયાસ કરતા બે સિંહ બાળનો વીડિયો વાયરલ
અમરેલીમાં અવાર-નવાર સિંહના વિડીયો વાયરલ થતાં હોય છે. આજે ફરી એક વાર એક વિડીયો સામે આવ્યો કે જેમાં બે સિંહબાળોએ પ્રવાસીઓની બસમાં ચઢવાનો પ્રયાસ કર્યો હતો. આ સાથે સફારી પાર્કમાં પર્યટકોની મીની બસને 2 સિંહબાળે ઘેર્યા હોવાનું વિડીયોમાં દેખાઈ રહ્યું છે. મહત્વનું છે કે, ગઇકાલે જ સાવરકુંડલાના મેવાસાથી વડાળ વચ્ચે વરરાજાની ગાડી જઈ રહી હતી. આ દરમિયાન અચાનક સિંહ તેમની ગાડી પાસે આવી ગયો હતો. જેના કારણે વરરાજા સહિત પાછળના ટેમ્પામાં ઘોડા લઈને આવી રહેલા લોકોના બે ઘડી શ્વાસ અધ્ધર થઈ ગયા હતા.
અમરેલી જિલ્લામાં અવારનાવર સિંહ ગ્રામ્ય વિસ્તારોમાં અને રસ્તાઓ પર આવી જતા હોય છે. જેના કેટલાક વીડિયો પણ સામે આવતા હોય છે. ત્યારે આવો જ એક વીડિયો હાલ સોશિયલ મીડિયામાં વાયરલ થયો છે. હાલમાં ધારી સફારી પાર્કનો અદભુત વીડિયો વાયરલ થયો છે. વિડીયોમાં જોઈ શકાય છે કે, ધારી સફારી પાર્કમાં પર્યટકોની મીની બસને 2 સિંહબાળે ઘેરી લીધી છે. આ સાથે બંને બે સિંહબાળોએ પ્રવાસીઓની બસમાં ચઢવાનો પ્રયાસ કર્યો હતો. જોકે આ સમગ્ર ઘટના વિડીયોમાં કેદ થઈ છે.
ગઇકાલે પણ આવી જ ઘટના બની હતી
સાવરકુંડલાના મેવાસાથી વડાળ વચ્ચે વરરાજાની ગાડી જઈ રહી હતી. આ દરમિયાન અચાનક સિંહ તેમની ગાડી પાસે આવી ગયો હતો. જેના કારણે વરરાજા સહિત પાછળના ટેમ્પામાં ઘોડા લઈને આવી રહેલા લોકોના બે ઘડી શ્વાસ અધ્ધર થઈ ગયા હતા. વરરાજાની ગાડી જેવી રસ્તા પરથી પસાર થઈ કે તરત જ સિંહ વચ્ચે આવી ગયો હતો. એટલું જ નહીં વરરાજાની ગાડી પાછળ એક ટેમ્પામાં ઘોડાઓ પણ હતા. આ ટેમ્પાની ઉપર કેટલાક લોકો પણ બેઠા હતા. વનરાજને આગળ રસ્તા પર ઊભેલા જોઈને આ લોકોના પણ ધબકારા વધી ગયા હતા. સિંહનો આ વીડિયો હાલ સોશિયલ મીડિયામાં વાઈરલ થયો છે.