પંજાબી સિંગર સિદ્ધૂ મૂસેવાલા હત્યાકાંડની તપાસમાં કેનેડામાં બેઠેલા વધુ એક શખ્સનું નામ સામે આવ્યું છે.
મૂસેવાલા હત્યાકાંડમાં લિપિન નહેરાનું નામ આવ્યું સામે
લિપિન નહેરાએ બંને શૂટરનો ગોલ્ડી બરાડ સાથે કરાવ્યો હતો સંપર્ક
મૂળ હરિયાણાના ગુરુગ્રામનો રહેવાસી છે લિપિન નહેરા
પંજાબી સિંગર સિદ્ધુ મૂસેવાલા હત્યાકાંડમાં તપાસ તેજ છે. મૂસેવાલા હત્યાકાંડમાં વધુ એક શખ્સનું નામ સામે આવ્યું છે. જેને લઇને કહેવામાં આવી રહ્યું છે કે, આ શખ્સે ગોલ્ડી બરાડને 1 શૂટર ઉપલબ્ધ કરાવ્યા હતા. સિદ્ધૂ મૂસેવાલા હત્યાકાંડમાં જ્યાં એક તરફ પંજાબ પોલીસ ચાર્જશીટ તૈયાર કરવામાં લાગી છે ત્યારે આ કેસમાં નવા-નવા ખુલાસાઓ થઇ રહ્યા છે.
સૂત્રોના અનુસાર, સિદ્ધૂ મૂસેવાલાની હત્યા માટે કેનેડામાં બેઠેલા ગોલ્ડી બરાડને 2 શૂટર કેનેડામાં જ રહેતા લિપિન નેહરા નામના એક શખ્સે ઉપલબ્ધ કરાવ્યા હતા. મળતી માહિતી અનુસાર, સિદ્ધૂ પર ગોળી ચલાવનારા 2 મેન શૂટર દીપક મુંડી અને કશિશ કુલદીપના ગોલ્ડી બરાડ સાથે સંપર્ક કેનેડામાં બેઠેલા લીપીન નેહરાએ જ કરાવ્યો હતો.
ગુરૂગ્રામનો રહેવાસી છે લિપિન નેહરા
લિપિન નેહરા હરિયાણાના ગુરૂગ્રામનો રહેવાસી છે અને હાલ કેનેડામાં છે. સિદ્ધૂ મૂસેવાલાની હત્યા બાદ તપાસમાં લાગેલી પંજાબ પોલીસે હાલમાં જ લિપિન નેહરાના મોટા ભાઇ પવન નેહરાને જેલથી રિમાન્ડ પર લીધા હતા અને લાંબી પૂછપરછ કરી હતી.
લિપિનનો ભાઇ પવન નહેરા પણ છે કુખ્યાત ગેંગસ્ટર
પવન નેહરા કુખ્યાત ગેંગસ્ટર છે અને તેના પર ડઝનથી વધુ હત્યાના કેસ દાખલ છે, ગુરૂગ્રામ પોલીસે પવન નેહારને ઉત્તરાખંડથી ઝડપ્યો હતો અને તે હાલ જેલમાં બંધ છે. પવન પણ લોરેન્સ બિશ્નોઇ ગેંગ સાથે જોડાયેલો છે.
લિપિન નહેરાના ભાઇ પવન નહેરાની પોલીસે કરી હતી પૂછપરછ
દિલ્હી પોલીસ સ્પેશિયલ સેલે જ્યારે સિદ્ધૂની હત્યામાં સામેલ શૂટરને પકડ્યો હતો ત્યારે તેની પૂછપરછમાં લિપિન નેહરાનું નામ સામે આવ્યું હતું. સ્પેશિયલ સેલેના હાથે ઝડપાયેલ કશિશ ઉર્ફ કુલદીપે ખુલાસો કર્યો હતો કે લિપિન નેહરાએ તેના અને દિપક મુંડીનો સંપર્ક ગોલ્ડી બરાડ સાથે કરાવ્યો હતો અને ગોલ્ડી બરાડે જ પછી મૂસેવાલાની હત્યાનો ટાસ્ક આપ્યો હતો. જણાવી દઇએ કે શૂટર દીપક મુંડી હજુ સુધી ફરાર છે.