બોલિવૂડ / બોલિવૂડની જાણીતી સિંગર શ્રેયા ઘોષાલના ઘરે ગૂંજી કિલકારી, સિંગરે ફેન્સ સાથે શેર કરી ગુડ ન્યૂઝ

• સિંગર શ્રેયા ઘોષાલના ઘરે પારણું બંધાયું
• સિંગરે દિકરાને જન્મ આપ્યો
• સિંગરે સોશિયલ મીડિયા પર આપી જાણકારી

જાણીતી બોલિવૂડ સિંગર શ્રેયા ઘોષાલ માતા બની ગઈ છે. સિંગર શ્રેયા ઘોષાલે શનિવારે બપોરે બેબી બોયને જન્મ આપ્યો. તેણે પતિ શિલાદિત્ય એમની સાથે દિકરાની વેલકમ કર્યું. સિંગરે ઈન્સ્ટાગ્રામ પર આ ખુશખબરી ફેન્સ સાથે શેર કરી છે. 

 

 

 

 

View this post on Instagram

 

 

 

 

 

 

 

 

 

 

 

A post shared by shreyaghoshal (@shreyaghoshal)

શ્રેયા ઘોષાલે સોશિયલ મીડિયા પર પોસ્ટ શેર કરતા લખ્યું કે 'મેં આજે બપોરે દિકરાને જન્મ આપ્યો છે. મેં પહેલા ક્યારેય પણ આ પ્રકારની લાગણીનો અનુભવ કર્યો નથી. શિલાદિત્ય, હું અને અમારો સમગ્ર પરિવાર આ ખુશીની ઉજવણી કરી રહ્યાં છીએ.'

ચાહકોએ આપી પ્રતિક્રિયા

શ્રેયાએ સોશિયલ મીડિયા પર પોસ્ટ શેર કરતા ચાહકો તેને અભિનંદન પાઠવવા લાગ્યા. સિંગર નીતિ મોહને લખ્યું- ખૂબ ખૂબ અભિનંદન. આ બહુ જ સારાં સમાચાર છે. આશા છે કે તમે અને બેબી સ્વસ્થ હશે. ખૂબ પ્રેમ અને પરિવાર તરફથી શુભેચ્છાઓ. જ્યારે સિંગર કંપોઝર શેખર રવિજાનીએ લખ્યું- અભિનંદન. બહુ બધો પ્રેમ. 

માર્ચમાં આપી હતી પ્રેગ્નેન્સીની જાણકારી

તમને જણાવી દઈએ કે, શ્રેયાએ માર્ચમાં બેબી બંપવાળી તેની એક તસવીર શેર કરી હતી અને પ્રેગ્નેન્સીની જાણકારી આપી હતી. એપ્રિલમાં કેટલીક તસવીરો શેર કરી હતી. તેના મિત્રોએ તેના માટે સરપ્રાઈઝ બેબી શાવર પ્લાન કર્યું હતી અને હોમમેડ ગિફ્ટ્સ આપ્યા હતા. 37 વર્ષીય બોલિવૂડ સિંગર શ્રેયા ઘોષાલે વર્ષ 2015માં તેના બાળપણના મિત્ર શિલાદિત્ય મુખોપાધ્યાય સાથે લગ્ન કર્યા હતા. તેમણે પારંપરિક બંગાળી રીતિરિવાજ મુજબ લગ્ન કર્યા હતા. લગ્ન પહેલા શ્રેયા ઘોષાલ અને શિલાદિત્ય એકબીજાને 10 વર્ષ સુધી ડેટ કરી રહ્યા હતા.