સિંગર શાને લાઇવ ઇવેન્ટમાં સ્વર્ગસ્થ કેકેને યાદ કર્યા. કેકે અને શાન ઘણા સારા મિત્રો હતા. શાને ગીત ગાતી વખતે કેકે અને તેની સાથેની ઘણી તસવીરો ફેન્સને બતાવી. તેનો વીડિયો તેણે સોશિયલ મીડિયા પર શેર કર્યો છે.
સિંગર શાને લાઇવ ઇવેન્ટમાં કેકેને યાદ કર્યા
ફેન્સને બતાવ્યા તેના અને KKના ફોટો
બન્ને ઘણા સારા મિત્રો હતા
KKના નામથી જાણીતા સિંગર કૃષ્ણકુમાર કુન્નાથ હવે આ દુનિયામાં નથી. જો કે તે તેના ગીતો દ્વારા હંમેશા જીવિત રહેશે. કેકે એક શાનદાર ગાયક હતા અને તેમણે 'રઈસ', 'જન્નત', 'ઓમ શાંતિ ઓમ' અને 'કાઈટ્સ' જેવી ફિલ્મોમાં પોતાનો અવાજ આપ્યો હતો. કોલકાતામાં એક કાર્યક્રમ દરમિયાન સિંગરનું હાર્ટ એટેકથી મૃત્યુ થયું હતું.
છેલ્લે કપિલ શર્મામાં સાથે જોવા મળ્યા હતા શાન અને કેકે
ગાયક શાને સ્વર્ગસ્થ કેકેને યાદ કર્યા અને તેમને સારા કો-સિંગર ગણાવ્યા. તેઓએ 'કોઈ કહી', 'ટાઈમ ટુ ડિસ્કો', 'દસ બહાને', 'ગોલમાલ' જેવા ઘણા ચાર્ટબસ્ટર ગીતોમાં સાથે કામ કર્યું હતું. બંને છેલ્લે કપિલ શર્માના કોમેડી શોમાં સાથે જોવા મળ્યા હતા.
ખૂબ જ સારા મિત્રો હતા કેકે અને શાન
કેકે અને શાનની ખૂબ સારી બોન્ડિંગ છે. શાન લાંબા સમયથી કેકેનો મિત્ર છે. કેકેના મોતથી શાનને ખૂબ જ શૉક લાગ્યો છે. એક ઈવેન્ટમાં શાને કેકેની યાદમાં સુપરહિટ ગીત ગાયું હતું. શાને ઇવેન્ટની શરૂઆત એમ કહીને કરી કે તે કેકેને યાદ કરીને અને તેનું સદાબહાર ગીત ગાઇને સાંજની શરૂઆત કરવા માંગે છે.
શાને કેકેનું 'પ્યાર કે પલ' ગિત ગાયુ
શાને કેકેના મનપસંદ ગીતોમાંથી એક 'પ્યાર કે પલ' ઓડિયન્સ સામે ગાયું અને તેને પૂરા દિલથી સમર્પિત કર્યું. આ ગીત દરમિયાન, કેકે અને શાનની ઘણી તસવીરો બેકગ્રાઉન્ડમાં મોટી સ્ક્રીન પર સ્લાઇડમાં ફરતી જોવા મળી હતી. આ તસવીરો સ્પષ્ટપણે દર્શાવે છે કે કેકે અને શાનની મિત્રતા અને જુગલબંધી અદ્ભુત હતી.
શાને શેર કરી ઈમોશનલ પોસ્ટ
આ વીડિયો શેર કરતાં શાને લખ્યું કે, “Kakes (કેકે)ને યાદ કરી રહ્યો છું. ખબર નથી કેમ, પણ હું તેને આજ કહું છું. Kakes". કેકે શોર્ટનું કેપ્શન ચોક્કસ ટૂંકું છે પણ તેનું હૃદય સ્પર્શી જાય તેવું છે. શાને આ પોસ્ટ દ્વારા તેની અને કેકેની મિત્રતા દર્શાવી હતી. આ સાથે જ કેકેના ફેન્સ પણ આ પોસ્ટ જોઈને ભાવુક થઈ ગયા હતા.