વાયરલ / વલસાડ: કાર્યક્રમમાં જાણીતી સિંગરની છેડતી કરવી ગાયકને ભારે પડી, ગાયિકાએ મારી જોરથી થપ્પડ, VIDEO થયો વાયરલ

• જાણિતા ગાયક મુકેશ પટેલનું અભદ્ર વર્તન 
• વલસાડમાં છેડતી મામલે મુકેશ પટેલને માર માર્યો
• મુકેશ પટેલે યુવતીની માફી પણ માંગી

વલસાડમાં જાણિતા ગાયક મુકેશ પટેલને ચાલુ કાર્યક્રમે મહિલા સાથીને સાથે છેડતી કરવી ભારે પડી છે. ગાયકે યુવતી સાથે અભદ્ર વર્તન કરી હજારો લોકોની સામે શારીરિક છેડછાડ શરૂ કરી વારંવાર ગાયિકાને અડકે છે જેનો વીડિયો વાયરલ થયો છે. ગાયિકા યુવતી ગીત ગાવામાં મગ્ન હોવાથી તેણે થોડા સમય બાદ હકીકતની ખબર પડે છે જે બાદ ગાયિકા અને તેના પરિવારજનો દ્વારા ગાયકને મેથીપાક ચખાડતા ગાયકની વિકૃત બુદ્ધી ઠેકાણે આવી. ગાયકે બે હાથ જોડી ગાયિકાના પગે પડી માફી માગવામા માંગી છે. અને હવે આવું નહીં થાય તેની ખાતરી આપી હતી.

વલસાડ જિલ્લામાં વેલવાચ ગામે આયોજિત કાર્યક્રમમાં છેડતીની ઘટના બની છે. ગાયક મુકેશ પટેલે સાથી ગાયિકા સાથે કાર્યક્રમ દરમિયાન શારીરિક અડપલાં કરતો દેખાઈ રહ્યાનો વીડિયો વાયરલ થયો છે. ગાયિકા ગીત ગાઈ રહી છે ત્યારે જ સાથી ગાયક મુકેશ પટેલ તેની નજીક આવે છે એક વખત ગાયિકાના ખભા પર હાથ મૂકે છે તો બીજી વખત છાતીના ભાગે અડકવાની કોશિશ કરવાની હરકત કરે છે. સ્ટેજની આસપાસ અને સામેની તરફ અનેક લોકો હાજર હતા જેમાંથી કોઈ આ સમગ્ર ઘટનાનો વીડિયો વાયરલ કર્યો હતો.

મુકેશ પટેલને જાહેરમાં જ મેથીપાક ચખાડ્યો
સોશિયલ મીડિયામાં વીડિયો વાયરલ થતાં ગાયિકાના પરિવારજનોએ મુકેશ પટેલને મેથીપાક ચખાડી અક્કલ ઠેકાણે લાવી હતી. જેનો વીડિયો પણ સોશિયલ મીડિયામાં વાયરલ થઈ રહ્યો છે. પણ  ત્રણ વીડિયો વાઈરલ થયા બાદ પણ આ મામલે હજુ સુધી કોઈ પોલીસ કાર્યવાહી કરવામા ન આવતા અનેક તર્કવિતર્કોએ જોર પકડયું છે.

• જાહેર કાર્યક્રમમાં આવી હરકત કેટલી યોગ્ય ?
• ગાયક કલાકાર સાથે આવી હરકત કેમ?
• મહિલા સિંગર સાથે અભદ્ર વર્તન કેટલું યોગ્ય ?
• કલાકારની પ્રસ્તુતિ સમયે અણછાતું વર્તનનો ભોગ કેમ બને છે યુવતીઓ?
• યુવતીઓ આવા વર્તન બાદ સ્ટેજ શો કરવા આવશે ?
   

ગાયિકાનું શું કહેવું છે?
ગાયિકા રડતી રડતી મુકેશ પટેલને કહી રહી છે કે અમે ઘણી મહેનત કરી અહિયાં પહોંચ્યા છીએ અને તમારા જેવાની આવી હરકતથી અમારી ઈજ્જત પર સવાલ ઊભા થઈ રહ્યા છે. જે બાદ ગાઈકાના પગે પડી મુકેશ પટેલે માફી માંગી હતી. અને કહ્યું હતું કે  આજ પછી કયારેય કોઈની છેડછાડ કરશે નહીં.