સોશ્યલ મીડિયાના માધ્યમથી ફેમસ થયેલી રાનૂ મંડલ હવે ચર્ચિત ચહેરો બની ગઇ છે. સિંગર હિમેશ રેશમિયાની તરફથી ફિલ્મમાં સોંગ્સ માટેની ઑફર પછી વધુ એક સિંગર રાનૂ મંડલની સાથે સોંગ ગાવા માટે તૈયાર છે.
સોશ્યલ મીડિયા સ્ટાર છે રાનૂ મંડલ
હિમેશ રેશમિયાએ બોલિવુડમાં ગીત ગાવાની આપી તક
કુમાર સાનુએ ગીત ગાવા માટે વ્યક્ત કરી ઇચ્છા, કહ્યુ - 'સારી ઑફર હશે તો ચોક્કસથી કરીશું કામ'
જી હા, સિંગર કુમાર સાનુએ કહ્યુ કે, ''જો ઑફર મળશે તો ચોક્કસથી રાનૂ મંડલની સાથે ગીત ગાવા માટે તૈયાર છું.'' આ પહેલા રાનૂ મંડલ હિમેશની સાથે ગીત ગાઇ ચૂકી છે.
કુમાર સાનૂએ એક ઇન્ટરવ્યૂમાં કહ્યુ કે, ''અમે ખુશ છીએ કે નવા સિંગર આવે છે. જો તેઓ સારું કામ કરે તો તેમણે ઓળખ મળવી જોઇએ. જો મને ઑફર મળે છે તો હું ચોક્કસથી રાનૂ સાથે ગીત ગાઇશ.'' તેમણે આગળ કહ્યુ કે, ''મેં સાંભળ્યુ છે કે રાનૂ મંડલે હિમેશની સાથે ગીત ગાયું છે, પરંતુ હજુ સુધી સાંભળ્યુ નથી.''
આ સિવાય ફેમસ સિંગરે કહ્યુ કે, ''જોઇએ આવનારા દિવસોમાં તેઓ કેવુ પરફોર્મન્સ કરે છે. ટેક્નોલોજીની સાથે નૉન-સિંગર્સ પણ સારા સિંગર્સની સાથે પરફૉર્મર બની ગયા છે. ટેક્નોલોજીએ મ્યૂઝિકલ સીન બદલી દીધા છે.''
ઉલ્લેખનીય છે કે, રાનૂ ન્યૂરોલોજિકલ ડિસઓર્ડર અને પેનિક એટેકની પીડિત છે. રાનૂ પોતાના ઘરેથી નીકળીને પશ્ચિમ બંગાળના નાડિયા જિલ્લાના રાણાઘાટ સ્ટેશન પર પહોંચી ગઇ હતી. સ્ટેશન પર તે ગીત ગાઈ રહી હતી તે સમયે મુસાફરે સોશ્યલ મીડિયા પર વીડિયો અપલોડ કર્યો હતો.