ચાર-ચાર બંગડીવાળી ગાડીની ગાયિકા કિંજલ દવે ફરીથી કોપીરાઈટ ભંગના વિવાદમાં સપડાઈ છે. ગુજરાતમાં હવે નવરાત્રીને માંડ ગણતરીના દિવસો બાકી રહ્યા છે ત્યારે ઓસ્ટ્રેલિયામાં કાઠિયાવાડી કિંગ તરીકે જાણીતા ગુજરાતી યુવક કાર્તિક પટેલે ફરી એક વાર કિંજલ દવેને નોટિસ ફટકારીને કિંજલની મુશ્કેલીઓ વધારી દીધી છે. ઓસ્ટ્રેલિયાના ગુજરાતી સિંગરે સિટી સિવિલ કોર્ટમાં આ મામલે દાવો કર્યો છે.
ઓસ્ટ્રેલિયામાં કાઠિયાવાડી કિંગ તરીકે જાણીતા ગુજરાતી યુવક કાર્તિક પટેલે નોટીસ ફટકારી
ચાર-ચાર બંગડીવાળી ગાડી મુદ્દે વિવાદ
નવરાત્રી વખતે જ કિંજલ દવેનો ભારે સમય
ગુજરાતમાં નવલી નવરાત્રિમાં ગુજરાતી કલાકાર કિંજલ દવે ઘણી જગ્યાએ ગીત ગાવા માટે જતી હોય છે ત્યારે કિંજલ દવેને ફરી કાયદાકીય નોટિસ ફટકારવામાં આવી છે. કિંજલ દવેને ફરી ‘ચાર ચાર બંગડી’ સોન્ગ માટે નોટિસ ફટકારવામાં આવી છે.
કોર્ટમાં કિંજલે આપવો પડશે ખુલાસો
ઓસ્ટ્રેલિયાના ગુજરાતી સિંગરે ફરી એક વાર કિંજલ દવેને નોટિસ ફટકારતાં તેણે આગામી દિવસોમાં કોર્ટમાં ખુલાસો કરવો પડશે.
વચગાળાનો હુકમ આપ્યો હતો કોર્ટે
આગાઉ પણ ચાર-ચાર બંગડીવાળા સુપ્રસિદ્ધ ગીત માટે કાર્તિક પટેલે તેના ગીતની નકલનો દાવો કર્યો હતો, જે પછી અમદાવાદની કોર્મિશયલ કોર્ટે ગત 22 જાન્યુઆરી 2019 સુધી કોર્મિશયલ કાર્યક્રમમાં આ ગીત ગાવા સામે વચગાળાનો હુકમ કર્યો હતો.
ગુજરાત હાઈકોર્ટે કોર્મશિયલ કોર્ટનો સ્ટે હટાવ્યો હતો
આ હુકમને ગુજરાત હાઈકોર્ટમાં પડકારવામાં આવ્યો હતો. ગુજરાત હાઈકોર્ટે 24 જાન્યુઆરીએ કોર્મશિયલ કોર્ટના સ્ટેને હટાવી લીધો હતો.