સિંગર જુબિન નૌટિયાલ ગુરુવારે ઘરે સીડી પરથી નીચે પડી ગયા હતા અનેઆ દરમિયાન તેમને ગંભીર ઈજાઓ થઈ છે.
સિંગર જુબિન નૌટિયાલ મુંબઈની હોસ્પિટલમાં દાખલ
જુબિન નૌટિયાલ ગુરુવારે ઘરે સીડી પરથી નીચે પડી ગયા હતા
સિંગર જુબિન નૌટિયાલને લઈને એક મોટા સમાચાર સામે આવ્યા છે. મળતી જાણકારી અનુસાર સિંગર જુબિન નૌટિયાલ ગુરુવારે ઘરે સીડી પરથી નીચે પડી ગયા હતા અને આ દરમિયાન તેમને ગંભીર ઈજાઓ થઈ છે. સાથે જ જાણવા મળ્યું છે કે જુબિન નૌટિયાલની કોણી તૂટી ગઈ છે અને આ સિવાય તેના માથા, પાંસળી અને કપાળ પર પણ ઈજા છે. હાલ જુબિન નૌટિયાલને મુંબઈની હોસ્પિટલમાં દાખલ કરવામાં આવ્યા છે.
જમણા હાથનું ઓપરેશન કરાવવું પડશે
જુબિન નૌટિયાલનું નવું ગીત 'તુ સામને આયે' તાજેતરમાં રિલીઝ થયું છે અને આ ગીત ગાયક યોહાની સાથે ગાયું છે. જણાવી દઈએ કે ગુરુવારે નૌટિયાલ અને યોહાની ગીતના લોન્ચિંગ સમયે સાથે જોવા મળ્યા હતા અને આ પછી જ જુબિન નૌટિયાલ ઈજા થઈ. આ અકસ્માતને કારણે સિંગરને તેના જમણા હાથનું ઓપરેશન કરાવવું પડશે અને હાલ ડૉક્ટરોએ તેને જમણા હાથનો ઉપયોગ ન કરવાની સલાહ આપી છે.
ચાહકો કરી રહ્યા છે પ્રાર્થના
સિંગર જુબિન નૌટિયાલે પોતાના અવાજની તાકાતથી દરેક ભારતીયોના દિલમાં પોતાનું મજબૂત સ્થાન બનાવ્યું છે. "રાતા લંબિયા," "લૂંટ ગયે," "હમનવા મેરે," , "તુઝે કિતને ચાહને લગે હમ," "તુમ હી આના", "બેવફા તેરા માસૂમ ચેહરા" જેવી ઇન્ટરનેશનલ હિટ ગીતો સાથે પણ લોકો તેને વીડિયોમાં જોવાનું પસંદ કરે છે. હાલ તેના ચાહકો સિંગરની ઝડપથી સ્વસ્થ થવાની પ્રાથના કરી રહ્યા છે.