ફાલ્ગુની પાઠક બોલિવૂડનું એક જાણીતું નામ છે જોકે, બોલિવૂડમાં ઓળખ બનાવ્યા બાદ તે અચાનક ગુમનામ થઈ ગઈ હતી. હવે કદાચ ફિલ્મ ઈન્ડસ્ટ્રીના લોકો તેને ભૂલી ગયા હશે. બોયકટ લુક રાખનાપી આ સિંગર હવે માત્ર નવરાત્રિમાં જ ગીતો ગાય છે. આજે એટલે કે 12 માર્ચે ફાલ્ગુની પાઠકનો જન્મદિવસ છે. જેથી આ આવસર પર અમે ફાલ્ગુની વિશેની કેટલી ન જાણેલી વાતો જણાવીશું.
ફાલ્ગુની પાઠક બોલિવૂડનું એક જાણીતું નામ
આજે પણ એક શો માટે આટલી ફી વસૂલે છે
આ કારણથી ફિલ્મોમાં ન ગાયા ગીતો
12 માર્ચ 1963ના રોજ વડોદરામાં જન્મેલી ફાલ્ગુની 56 વર્ષની થઈ ગઈ છે. આ ગુજરાતી સિંગરે હજુ સુધી લગ્ન નથી કર્યા. ફાલ્ગુની ગુજરાતમાં ખૂબ જ પોપ્યુલર છે. ફાલ્ગુની ભલે હાલમાં કોઈ ફિલ્મોમાં કામ ન કરી રહી હોય પરંતુ તે સ્ટેજ શો હજુ પણ ખૂબ જ કરે છે.
નવરાત્રિના નવ દિવસો દરમિયાન ફાલ્ગુનીને બુક કરવા માટે લોકોની લાઈનો લાગે છે. આ દરમિયાન તેનું શેડ્યૂલ ખૂબ જ વ્યસ્ત રહે છે પરંતુ તેને બુક કરવી કોઈ સરળ કામ નથી. નવરાત્રિ દરમિયાન ફાલ્ગુની એક શોના 20 લાખ રૂપિયા સુધીની ફી વસૂલે છે. આ સિવાય ફાલ્ગુની અંબાણી પરિવારની ફેવરિટ સિંગર છે. અંબાણી પરિવારના ફંક્શનમાં ઘણીવાર ફાલ્ગુની જોવા મળે છે.
ફાલ્ગુનીને ભારતમાં ડાંડીયા ક્વીન તરીકે પણ જાણીતી છે. ફાલ્ગુનીએ તેના કરિયરની શરૂઆત 1998માં તેના આલ્બમથી કરી હતી. તેનું ગીત ચૂડી જો ખનકી, મૈને પાયલ હૈ છનકાઈ અને મેરી ચૂનર ઉડ-ઉડ જાયે ખૂબ જ હિટ થયા હતા. એક ઈન્ટરવ્યૂમાં તેણે જણાવ્યું હતું કે તે બાળપણથી જ સ્ટેજ શો કરી રહી છે.
મ્યુઝિક તેની લાઈફ છે. ફાલ્ગુનીને અનેક બોલિવૂડ ફિલ્મોમાં ગીતો ગાવાની તક મળી પરંતુ તેણે પોતાના જ આલ્બમ પર કામ કર્યું. ફાલ્ગુની તેના ડ્રેસિંગ સેન્સ માટે પણ ઘણી જ ફેમસ છે. ફાલ્ગુની હમેશાં છોકરાઓ જેવા જ કપડાં પહેરે છે.
આ અંગે વાત કરતાં ફાલ્ગુનીએ જણાવ્યું હતું કે તેણે સ્કૂલમાં જ સ્કર્ટ કે ડ્રેસ પહેર્યો હતો. જેમાં તેને ખૂબ જ અન્કમ્ફર્ટેબલ ફીલ થયું હતું. લોકો તેના પહેરવેશ અને અવાજને સાંભળીને આશ્ચર્યમાં મૂકાઈ જાય છે.