નિધન / VIDEO: લાઈવ કોન્સર્ટમાં અચાનક ઢળી પડ્યા... ફેમસ સિંગરના નિધનથી ફિલ્મ ઈન્ડસ્ટ્રીમાં આઘાત

• મલયાલમ ગાયક એડવા બશીરનું નિધન 
• લાઈવ કોન્સર્ટમાં અચાનક પડી ગયા 
• 78 વર્ષની હતી ઉંમર 

મલયાલમ ગાયક એડવા બશીરનું નિધન 

મલયાલમ સંગીતનાં લોકપ્રિય ચહેરા અને વયોવૃદ્ધ ગાયક એડવા બશીર રહ્યા નથી. 78 વર્ષીય ગાયક સ્ટેજ પર લાઈવ પરફોર્મન્સ દરમિયાન જ મૃત્યુ પામ્યા. કેરલનાં અલાપ્પુઝામાં બ્લૂ ડાયમંડ ઓર્કેસ્ટ્રા મંડળીનાં સ્વર્ણ જયંતીનાં અવસર પર તેઓ એક કાર્યક્રમમાં હિસ્સો લઇ રહ્યા હતા. આ દરમિયાન તેઓ ગાતા ગાતા મંચ પર પડી ગયા. પડ્યા બાદ તેમને ચેરથલાના એક પ્રાઈવેટ દવાખાનામાં લઇ જવામાં આવ્યા, પરંતુ તેમનો જીવ ન બચી શક્યો. તેઓ તિરુવનંતપુરમમાં એડવાનાં મૂળ નિવાસી છે. 

લાઈવ કોન્સર્ટમાં અચાનક પડી ગયા 

આ ઘટના રાત્રે સાડા નવ વાગ્યાની છે. તેઓ આ કાર્યક્રમમાં ચીફ ગેસ્ટ તરીકે પહોંચ્યા હતા. તેમણે સ્ટેજ પર યેસુદાસનું ગીત - માના હો તુમ બહુત હસીન ગયું હતું. ગીત પૂરું થતા જ તેઓ બેભાન થઇ ગયા. તરત જ કાર્યક્રમ બંધ કરી દેવામાં આવ્યો. સોશિયલ મીડિયા પર આ ઘટનાનો વીડિયો પણ વાયરલ થઇ રહ્યો છે. 

Singer Edava Basheer collapses on stage,dies pic.twitter.com/wxWbi2JTr0

— Bangla Hunt (@BanglaHunt) May 29, 2022

78 વર્ષની હતી ઉંમર 

તિરુવનંતપુરમનાં એડવામાં જન્મેલા બશીરે ઘણા ફિલ્મી ગીતો ગાયા હતા, પરંતુ તેમના સ્ટેજ પરફોર્મન્સ માટે તેમને ઓળખવામાં આવતા હતા. તેમણે સ્વાતિ થીરુનલ સંગીત એકેડમીથી સંગીતમાં શૈક્ષણિક ડીગ્રી લીધી હતી. 1972માં તેમણે કોલ્લમ સંગીતાલય ગણમેળા મંડળીમાં ગઠન કર્યું હતું. 

બશીરે યેસુદાસ અને રફીનાં ગીતોને સાંભળીને પોતાની ટ્રેનીંગ શરુ કરી હતી. તેમણે સ્કૂલ અને કોલેજમાં ઘણા પુરસ્કાર જીત્યા હતા. બશીર અને તેમના મિત્રોએ ઓલ કેરલ મ્યૂઝિશિયન એન્ડ ટેકનીશીયન એસોસિએશનની શરૂઆત કરી હતી. તેઓ લાંબા સમય સુધી એસોસિએશનનાં અધ્યક્ષ રહ્યા હતા. તેમણે ફિલ્મ ઉદ્યોગમાં 'વિના વાયિકુમ' ગીતથી ડેબ્યૂ કર્યું હતું.