મનોરંજન / ગ્રેમી એવોર્ડ 2021 : સિંગર બિયોન્સે 28મી વખત ઍવોર્ડ જીતીને રચ્યો ઈતિહાસ 

• ગ્રેમી ઍવોર્ડ 2021 થયા જાહેર 
• બિયોન્સેએ રચ્યો ઇતિહાસ 
• 28મી વાર મેળવ્યો ઍવોર્ડ 

કોવિડ મહામારીના કારણે આ સમારંભનું આયોજન આ વર્ષે મોડું થયું હતું. આ એવોર્ડ શો 31 જાન્યુઆરીએ યોજાવાનો હતો. વિજેતાઓની જાહેરાત કરાઇ અને આ વર્ષે બિયોન્સે ઇતિહાસ રચ્યો છે. આ સિંગરે 28મી વખત ગ્રેમી એવોર્ડ જીત્યો છે. તે પ્રથમ ફીમેલ સિંગર છે જેણે સતત 28મી વખત આ એવોર્ડ પોતાના નામે કર્યો છે. આ વખતે તેણે બે ગ્રેમી એવોર્ડ જીત્યા છે. 

આ બે એવોર્ડ બિયોન્સને અનુક્રમે 'બ્લેક પરેડ'માં બેસ્ટ પર્ફોર્મન્સ માટે અને બેસ્ટ મ્યુઝિક વીડિયો 'બ્રાઉન સ્કીન ગર્લ' માટે મળ્યો છે.  આ ઉપરાંત ટેલર સ્વીફ્ટે પણ ઇતિહાસ રચ્યો છે. તે પહેલી એવી મહિલા સિંગર બની છે, જેણે ત્રણ વાર બેસ્ટ આલબમનો એવોર્ડ મેળવ્યો છે. 

ટેલર સ્વીફ્ટને આલબમ ફોકલોર માટે 2021નો બેસ્ટ આલબમનો એવોર્ડ મળ્યો છે. આ પહેલા ટેલરના ફિયરલેસ અને 1989 આલબમને બેસ્ટ આલબમનો ગ્રેમી એવોર્ડ મળી ચુક્યો છે. બિયોન્સે અને ટેલર સ્વીફ્ટ ઉપરાંત મેગન થી સ્ટેલિયને પણ રેકોર્ડ બનાવ્યો છે. તેને ત્રણ એવોર્ડ મળ્યા છે અને તેથી તે એવી પહેલી મહિલા રેપર બની ગઇ છે, જેને બેસ્ટ રેપ સોંગનો એવોર્ડ મળ્યો હોય. 

બેસ્ટ પોપ વોકલ આલબમનો એવોર્ડ ફ્યુચર નોસ્ટાલ્જ માટે ડ્યુ લિપાને મળ્યો છે. બેસ્ટ રેપ સોંગ માટે બિયોન્સને. સોંગ ઓફ ધ યરનો એવોર્ડ આઇ કાન્ટ બ્રિથને મળ્યો છે. બેસ્ટ પોપ સોલો પર્ફોર્મન્સનો એવોર્ડ વોટરમેલન સુગરને મ‍ળ્યો છે.