બોલિવૂડના સૌથી સફળ અને પ્રતિભાશાળી સિંગર્સની લિસ્ટમાં સામેલ અરિજીત સિંહ ભલે કેમેરાથી દૂર રહેતો હોય પરંતુ તેનો મધુર અવાજ લોકોના દિલ પર જાદુ કરી દે છે. એકથી એક હિટ ગીતો આપનાર અને ઘણાં પોપ્યુલર એવોર્ડ્સ પોતાના નામે કરી ચૂકેલો અરિજીત આજકાલ તેના નવા ફ્લેટ્સને લઈને ચર્ચામાં છે. એક રિપોર્ટ મુજબ, સિંગર અરિજીત સિંહે એકસાથે 4 ફ્લેટ ખરીદી લીધા છે.
આ ફ્લેટ્સની કિંમત કરોડોમાં છે. અરિજીતે ફ્લેટ્સ મુંબઈના વર્સોવા વિસ્તારમાં ખરીદ્યા છે. જેને પોશ વિસ્તારોમાંથી એક ગણવામાં આવે છે. રિપોર્ટ અનુસાર, અરિજીતે ખરીદેલા ચારેય ફ્લેટ 7 બંગલોમાં સવિતા સીએચએસ નામના બિલ્ડિંગમાં છે. પહેલાં ફ્લેટની પહેલા ફ્લેટની કિંમત 1.80 કરોડ રૂપિયા છે. આ ફ્લેટ છઠ્ઠા માળે છે. આ જ ફ્લોર પર અરિજીતે વધુ ત્રણ ફ્લેટ ખરીદ્યા છે. જેની કિંમત 2.20 કરોડ, 2.60 કરોડ અને 2.50 કરોડ હોવાનું જાણવા મળ્યું છે. એટલે કે, ચાર ફ્લેટ અરિજીતે લગભગ 9.1 કરોડ રૂપિયામાં ખરીદ્યા છે.
ઘણાં બ્લોકબસ્ટર સોન્ગ આપ્યા છે આ સિંગરે
અરિજીત સિંહે પોતાના કરિયરની શરૂઆત 2005માં આવેલા સિંગિંગ રિયાલિટી શો 'ફેમ ગુરૂકુળ'થી કરી હતી. આ શો દરમિયાન ફિલ્મમેકર સંજય લીલા ભણસાલીની નજર અરિજીત પર પડી અને તેમણે ફિલ્મ સાંવરિયામાં યૂં શબનમી ગીત ગાવાની તક અરિજીતને આપી. અરિજીતે તેલુગુ ભાષામાં પણ ગીતો ગાયા છે. અરિજીતે મર્ડર 2થી બોલિવૂડમાં સિંગિંગ ડેબ્યૂ કર્યું હતું.
અરિજીતની સક્સેસનો ગ્રાફ સતત વધતો ગયો
અરિજીતનું સિંગિંગ કરિયર વેગીલું બન્યું. અરિજીતે મેરી આશિકી અબ તુમ હી હો, બાતેં યે કભી ના, ગેરુઆ, ફિર ભી તુમકો ચાહૂંગા, મેં તેરા બોયફ્રેન્ડ જેવા ઘણા બ્લોકબસ્ટર ગીતો ગાયા છે. આજે અરિજીત લગભગ દરેક એક્ટરનો અવાજ બની ગયો છે. અરિજીતે ઘણીવાર બેસ્ટ મેલ સિંગરનો અવોર્ડ પણ જીત્યો છે.