આજકાલ લોકો ખાવામાં રોક સોલ્ટ એટલે કે સિંધાલુણનો ઉપયોગ કરવા લાગ્યા છે. સિંધવ મીઠું સ્વાસ્થ્ય માટે ખૂબ જ ફાયદાકારક છે. પરંતુ લાંબા સમય સુધી તેનો ઉપયોગ કરવાથી નુકસાન પણ થઈ શકે છે.
સિંધાલુણ સ્વાસ્થ્ય માટે ફાયદાકારક
પરંતુ લાંબા સમય સુધી ખાવાથી થાય છે નુકસાન
જાણો ઉપયોગ કરવાની સાચ્ચી રીત
રોક મીઠું જેને રોક સોલ્ટ, પિંક સોલ્ટ અને હિમાલયન સોલ્ટ તરીકે પણ ઓળખવામાં આવે છે. તે સ્વાસ્થ્ય માટે ખૂબ જ ફાયદાકારક છે. આજકાલ ઘણા લોકો સામાન્ય મીઠાને બદલે તેનો ઉપયોગ કરવા લાગ્યા છે. પહેલા લોકો આ મીઠાનો ઉપયોગ માત્ર ઉપવાસમાં જ કરતા હતા. પરંતુ હવે લોકો રોજિંદા ભોજનમાં પણ રોક સોલ્ટનો ઉપયોગ કરે છે.
આ મીઠું હૃદય અને બ્લડ પ્રેશરના દર્દીઓ માટે ફાયદાકારક છે. પરંતુ લાંબા સમય સુધી અને ખોટી રીતે રોક સોલ્ટનો ઉપયોગ તમારા શરીરમાં ઘણા પોષક તત્વોની ઉણપનું કારણ બને છે. ચાલો જાણીએ લાંબા સમય સુધી રોક સોલ્ટનો ઉપયોગ કરવાના ગેરફાયદા અને કયા લોકોએ તેનું વધુ સેવન કરવાનું ટાળવું જોઈએ?
સિંધાલુણ ખાવાના ગેરફાયદા
સિંધાલુણ શરીર માટે ખૂબ જ ફાયદાકારક છે. પરંતુ લાંબા સમય સુધી તેનો ઉપયોગ કરવાથી શરીરમાં ઘણી સમસ્યાઓ થઈ શકે છે. ભારતમાં લોકો હવે રોક સોલ્ટનો વધુ ઉપયોગ કરવા લાગ્યા છે. આનાથી આયોડીનની ઉણપ થાય છે અને વોટર રીટેન્શનની સમસ્યા પણ વધે છે.
આયોડિનની ઉણપ
આયોડિન સામાન્ય મીઠાની તુલનામાં રોક સોલ્ટમાં ઘણું ઓછું હોય છે. જો તમે ખાદ્યપદાર્થોમાં લાંબા સમય સુધી માત્ર સિંધાલુણનો ઉપયોગ કરો છો, તો તે શરીરમાં આયોડિનની ઉણપ અને તેના કારણે થતા રોગો થઈ શકે છે.
વોટર રિટેન્શનની સમસ્યા
જે લોકો લાંબા સમય સુધી ભોજનમાં માત્ર સિંધાલુણનો ઉપયોગ કરે છે અને વધુ માત્રામાં મીઠું ખાય છે, તેમના શરીરમાં વોટર રિટેન્શનની સમસ્યા રહે છે. જેના કારણે શરીરમાં ઘણી સમસ્યાઓ થઈ શકે છે.
હાઈ બ્લડ પ્રેશર
સિંધાલુણનો ઉપયોગ બ્લડ પ્રેશરને કંટ્રોલ કરવા માટે કરવામાં આવે છે. પરંતુ વધુ પડતું સિંધાલુણ ખાવાથી પણ હાઈ બ્લડ પ્રેશર થઈ શકે છે. જેના કારણે હૃદય રોગનો ખતરો વધી જાય છે.
થાક અને સ્નાયુઓ નબળા થવા
જો રોક સોલ્ટનો વધુ ઉપયોગ કરવામાં આવે તો તેનાથી શરીરમાં થાક અને સ્નાયુઓમાં નબળાઈ આવી શકે છે. તેથી સિંધાલુણ માત્ર સંતુલિત માત્રામાં જ ખાવું જોઈએ.
થાઈરોઈડમાં નુકસાન
જે લોકો થાઈરોઈડના દર્દી છે તેમના માટે રોક સોલ્ટ નુકસાનકારક હોઈ શકે છે. જો શરીરમાં આયોડીનની ઉણપ હોય તો થાઈરોઈડના દર્દીની સમસ્યા વધી શકે છે.
રોક સોલ્ટનો યોગ્ય રીતે ઉપયોગ આ રીતે કરો
તમે તેનો ઉપયોગ ખોરાકમાં સામાન્ય મીઠાની જગ્યાએ કરી શકો છો. પરંતુ આ મીઠાના પ્રમાણનું પણ ધ્યાન રાખો. તે કોઈપણ મીઠું હોય, વધુ પડતું ખાવાથી નુકસાન જ કરે છે. બ્લડ પ્રેશર અને હૃદયના દર્દીઓએ રોક સોલ્ટનું સેવન કરતા પહેલા ડૉક્ટરની સલાહ લેવી જોઈએ.