નવસારીને ભાજપ પ્રદેશ પ્રમુખ સી.આર.પાટીલનો ગઢ, પાટીલ સતત વર્ષ 2009થી નવસારી લોકસભા બેઠક પરથી જીતતા આવ્યા છે
દક્ષિણ ગુજરાતની નવસારી બેઠક કે જ્યાં ભાજપની 1990થી સતત થાય છે જીત
નવસારી બેઠક પર આ વખતે ખરાખરીનો ખેલ જામ્યો, BJP-કોંગ્રેસની સાથે AAP પણ મેદાનમાં
સી.આર.પાટીલ સતત વર્ષ 2009થી નવસારી લોકસભા બેઠક પરથી જીતતા આવ્યા છે
ગુજરાત વિધાનસભા ચૂંટણી 2022નું બ્યુગલ વાગી ગયું છે. રાજકીય રીતે નિર્ણાયક આ રાજ્યમાં બે તબક્કામાં 1 ડિસેમ્બર અને 5 ડિસેમ્બરે મતદાન થવાનું છે જ્યારે પરિણામ 8 ડિસેમ્બરે આવશે. જોકે દક્ષિણ ગુજરાતની નવસારી બેઠક કે જ્યાં ભાજપ 1990થી સતત જીતી રહ્યું છે. તે સીટ ઉપર આ વખતે ખરાખરીનો ખેલ જામ્યો છે. જોકે આ વખતે ભાજપ-કોંગ્રેસ અને આમ આદમી પાર્ટી પણ મેદાનમાં હોઇ ત્રણેય પક્ષ જીતનો દાવો કરી રહ્યા છે.
ગુજરાત વિધાનસભા ચૂંટણી 2022માં કોંગ્રેસે નવસારી બેઠક પરથી દીપક બારોટને મેદાનમાં ઉતાર્યા છે જ્યારે ભાજપે રાકેશ દેસાઈને મેદાનમાં ઉતાર્યા છે. સાથે જ આમ આદમી પાર્ટીએ ઉપેશ પટેલને ઉમેદવાર બનાવ્યા છે. 2017ની વિધાનસભા ચૂંટણીમાં ભાજપે આ સીટ જીતી હતી. ભાજપના ઉમેદવાર પિયુષભાઈ દેસાઈએ INCના ભાવનાબેન અનિલભાઈ પટેલને હરાવ્યા હતા.
શું થયું હતું 2017ની ચૂંટણીમાં ?
2017ની વિધાનસભા ચૂંટણીમાં ભાજપના ઉમેદવાર પિયુષ ભાઈ દેસાઈને લગભગ એક લાખ મત મળ્યા હતા. જ્યારે કોંગ્રેસના ઉમેદવાર ભાવનાબેન અનિલભાઈ પટેલને 54 હજાર જેટલા મત મળ્યા હતા. ભાજપના ઉમેદવાર પિયુષભાઈ દેસાઈનો 46 હજાર મતોથી વિજય થયો હતો. છેલ્લા 35 વર્ષથી ભાજપ સતત આ બેઠક જીતી રહ્યું છે. ભાજપના મંગુભાઈ પટેલ 1990, 1995, 1998, 2002 અને 2007માં 1990 થી સતત પાંચ વખત બેઠક જીતવામાં સફળ રહ્યા હતા.
ગુજરાત વિધાનસભા બેઠકમાં 182 વિધાનસભા બેઠકનો સમાવેશ થાય છે. આ વિધાનસભા બેઠકમાં નવસારી વિધાનસભા બેઠકનો 175મો ક્રમાંક છે. નવસારી વિધાનસભા બેઠક પર ભાજપ સતત 7 ટર્મથી એટલે કે, 35 વર્ષથી જીત મેળવી રહ્યું છે. ભાજપ નેતા મંગુભાઈ પટેલનું આ બેઠક પર સતત 5 ટર્મ સુધી એટલે કે, 25 વર્ષ સુધી પ્રભુત્વ રહ્યું છે.
વર્ષ
વિજેતા ઉમેદવાર
પક્ષ
2017
પિયુષભાઈ દેસાઈ
ભાજપ
2012
પિયુષભાઈ દેસાઈ
ભાજપ
2007
મંગુભાઈ પટેલ
ભાજપ
2002
મંગુભાઈ પટેલ
ભાજપ
1998
મંગુભાઈ પટેલ
ભાજપ
1995
મંગુભાઈ પટેલ
ભાજપ
1990
મંગુભાઈ પટેલ
ભાજપ
1985
મોહનભાઈ તળાવિયા
કોંગ્રેસ
1980
મોહનભાઈ તળાવિયા
કોંગ્રેસ
1975
વિઠ્ઠલભાઈ પટેલ
NCO
1972
દિનકરભાઈ દેસાઈ
કોંગ્રેસ
1967
S. Y. યૂનિયા
કોંગ્રેસ
1962
સુલેમાન યુનિયા
કોંગ્રેસ
સી.આર.પાટીલનો ગઢ છે નવસારી
નવસારીને ભાજપ પ્રદેશ પ્રમુખ સી.આર.પાટીલનો ગઢ માનવામાં આવે છે. સી.આર.પાટીલ સતત વર્ષ 2009થી નવસારી લોકસભા બેઠક પરથી જીતતા આવ્યા છે. વર્ષ 2014ની લોકસભા ચૂંટણીમાં ભાજપ ઉમેદવાર સી.આર.પાટીલે નવસારી બેઠક પરથી કોંગ્રેસનાં ઉમેદવાર મકસુદ મિર્ઝાને 5.58 લાખ મતોની સરસાઈથી પરાજિત કર્યા હતા. તો વર્ષ 2019ની લોકસભા ચૂંટણીમાં પણ સી.આર.પાટીલે જીત મેળવીને ભાજપનો પરચમ લહેરાવ્યો હતો. વર્ષ 2017ની વિધાનસભા ચૂંટણીમાં નવસારીની ત્રણ વિધાનસભાની બેઠક પર ભાજની જીત થઈ હતી.
ગુજરાત વિધાનસભા ચૂંટણી 2022ના ચૂંટણી પ્રચારમાં તમામ રાજકીય પક્ષોએ પોતાની સંપૂર્ણ તાકાત લગાવી દીધી છે. બીજેપી વતી વડાપ્રધાન નરેન્દ્ર મોદી, અમિત શાહ, યોગી આદિત્યનાથ, જેપી નડ્ડા જેવા સ્ટાર કેમ્પેઈન મતદારોને રીઝવવાનો પૂરો પ્રયાસ કરી રહ્યા છે, તો બીજી તરફ કોંગ્રેસ વતી પાર્ટી અધ્યક્ષ મલ્લિકાર્જુન ખડગે પ્રચારની લગામ પોતાના હાથમાં લઈ રહ્યા છે. સાથે જ આમ આદમી પાર્ટી પણ ચૂંટણી પ્રચારમાં પુરી તાકાત લગાવી રહી છે.