શિયાળામાં તમામ પ્રકારના પોષણયુક્ત ફ્રૂટ્સ અને શાકભાજી સરળતાથી મળી રહે છે. હવે માર્કેટમાં જાઓ તો તમને પ્રમાણમાં સારા કહી શકાય તેવા લાલ ગાજર જોવા મળે છે. જો શિયાળાનો ગાડરનો હલવો ટેસ્ટ નથી કર્યો તો આ રેસિપીથી આજે જ કરી લો પ્લાન. તે હેલ્થ માટે બેસ્ટ હોય છે અને ટેસ્ટમાં નાના મોટા સૌને ભાવે તેવી વાનગી છે.
સૌ પ્રથમ એક જાડા તળિયાવાળી કડાઈમાં ઘી ગરમ કરો. ગરમ થાય એટલે તેમાં છીણેલા ગાજરને શેકી લો. બરાબર શેકાય જાય એટલે પછી તેમાં દૂધ ઉમેરીને ચઢવા દો. વચ્ચે-વચ્ચે આ મિશ્રણને હલાવતા રહો. જેથી તળિયે ચોંટી ન જાય. હવે તેમાં ખાંડ અને મલાઈ અથવા કન્ડેન્સ્ડ મિલ્ક ઉમેરીને બરાબર હલાવો. જ્યાં સુધી ખાંડનું પાણી બળી ન જાય ત્યાં સુધી સતત હલાવતા રહો. થોડું ઘટ્ટ કરવા તેમાં મોળો માવો અથવા મિલ્ક પાવડર ઉમેરો. બધું જ સારી રીતે મિક્સ કરો. અને તેને એકદમ લચકા પડતું થાય ત્યાં સુધી ચઢવા દો. છેલ્લે તેમાં ઈલાયચી પાવડર મિક્સ કરીને ગેસ બંધ કરી દો. હવે સર્વિંગ પ્લૅટમાં કે બાઉલમાં હલાવાને કાઢી લો. ઉપરથી તેમાં કાજુના ટુકડા અને કિસમિસ નાખી સર્વ કરો. તમે ઈચ્છો તો હલવો ચઢતો હોય ત્યારે પણ તેમાં ઉમેરી શકો છો. ઉપરથી નાખવા હોય તો ઘીમાં ફ્રાય કરીને સર્વ કરશો તો વધારે સ્વાદિષ્ટ લાગશે.
ગાજર ખાવાથી થાય છે શરીરને આ ફાયદા
ગાજર નિયમિત રીતે ખાવાથી આંખની રોશની સુધરે છે. તેમાં બીટા કેરોટિન હોય છે.
ગાજરમાં કેલ્શિયમ પેક્ટીન ફાઇબર, વિટામીન A, B અને C હોય છે. તે તમારા શરીરમાંથી કોલેસ્ટ્રોલને દૂર રાખે છે અને સાથે જ હદયરોગથી પણ બચાવે છે.
ગાજરનું સેવન કરવાથી ઉંમરની અસર પણ ઓછી દેખાય છે.
નિયમિત રીતે ગાજર ખાવાથી ત્વચા અને વાળની ચમક વધે છે.
ગાજરના જ્યૂસમાં સંચળ, ધાણાના પાન, શેકેલું જીરું, કાળા મરી અને લીંબૂનો રસ ઉમેરી નિયમિત રીતે પીવાથા પાચન સારું રહે છે.
ગાજર ખાવાથી દાંત પણ સારા રહે છે.
ગાજરમાં જે ફાઈબર હોય છે તે શરીરમાં કેન્સરની શક્યતાઓને ઘટાડે છે.