બેસ્ટ ઉપાય / બ્લેકહેડ્સથી પરેશાન થઈ ગયા છો? તો આ નેચરલ પેસ્ટ એકવાર લગાવો, કાયમી દૂર થઈ જશે આ સમસ્યા

• બ્લેકકહેડ્સની સમસ્યા મોટા ભાગના લોકોને પરેશાન કરે છે
• તેને કાયમી દૂર કરવા આ 5 ઉપાય કરી લો
• ફરી ક્યારેય નહીં થાય બ્લેકહેડ્સની સમસ્યા

બ્લેકહેડ્સ નાના-નાના દાણા જેવા દેખાય છે. સામાન્ય રીતે તે ખીલ જેવા હોય છે. બ્લેકહેડ્સ નાક, કપાળ, ખભા, પીઠ અને દાઢી પર થાય છે. ખાવાપીવાની ખોટી આદતો અને ત્વચાની યોગ્ય સફાઈ ન થવાથી આ સમસ્યા જન્મ લે છે. આને દૂર કરવા સરળ છે અને તમારી જીવનશૈલીમાં થોડો બદલાવ કરશો તો બ્લેકહેડ્સમાંથી કાયમી મુક્તિ મળશે.

એલોવેરા જેલ

એલોવેરા જેલ બ્લેકહેડ્સ દૂર કરવાનો શ્રેષ્ઠ ઉપચાર છે. ચહેરાના જે પણ ભાગમાં બ્લેકહેડ્સ જોવા મળે ત્યાં એલોવેરા જેલ લગાવો અને 10 મિનિટ બાદ હૂંફાળા પાણીથી ચહેરો સાફ કરી લો. આનાથી બ્લેકહેડ્સ તો દૂર થશે સાથે જ સ્કીન પણ મોઈશ્ચરાઈઝ્ડ રહેશે.

બેકિંગ સોડા

કાંચના બાઉલમાં 1 ચમચો બેકિંગ સોડા અને પાણી ભેળવી પેસ્ટ બનાવો. તેને બ્લેકહેડ્સ પર લગાવી દસ મિનિટ માટે સુકાવા દો. તે પછી નવશેકા પાણીથી ધોઈ લો. અઠવાડિયામાં એક-બે વાર આ ઉપાય અપનાવો. 

તજનો પાઉડર

એક બાઉલમાં અડધી ચમચી તજનો પાઉડર અને બે ચમચી મધ મિક્સ કરી પેસ્ટ બનાવો. બ્લેકહેડ્સ થયા હોય ત્યાં આ પેસ્ટનો જાડો થર લગાવી પંદર મિનિટ રાખો. તે પછી ચહેરો સારી રીતે ધોઈ લો અને મોઇશ્ચરાઇઝર લગાવો. આ ઉપાય રોજ કરવાથી સારું પરિણામ જોવા મળશે. 

લીંબુનો રસ

એક બાઉલમાં એક ચમચી લીંબુનો રસ લઈ રૂથી બ્લેકહેડ્સ પર થપથપાવીને લગાવો. દસ મિનિટ સુકાવા દીધા પછી ઠંડા પાણીથી ચહેરો ધોઈ લો. લીંબુના રસને તમે ઇચ્છો તો આખી રાત લગાવી રાખી શકો છો. 

મધ

એક બાઉલમાં પાણી ગરમ કરી તેમાં મધને નવશેકું કરો. તેને બ્લેકહેડ્સ પર દસ મિનિટ લગાવી રાખો. તે પછી ગરમ પાણીમાં પલાળેલા સ્વચ્છ મુલાયમ કાપડથી મધ લૂછી લો. 

હળદર અને કોપરેલ

બાઉલમાં થોડી હળદર લઈ તેમાં પાણી કે કોપરેલ નાખી પેસ્ટ બનાવો. આ પેસ્ટને બ્લેકહેડ્સ હોય ત્યાં લગાવી પંદર-વીસ મિનિટ લગાવી રાખો. નવશેકા પાણીથી ધોઈ લો.