ના હોય / એકવાર ચાર્જ કર્યા બાદ 240km ચાલશે આ ઈલેક્ટ્રીક સ્કૂટર, ફિચર્સ જાણીને આજે જ ખરીદવાનું મન થઈ જશે

• સ્ટાર્ટઅપ કંપની લોન્ચ કરશે ઈલેક્ટ્રિક સ્કૂટર 
• સિંપલ એનર્જી લોન્ચ કરશે આ સ્કૂટર 
• 240 કિમીની લાંબી ડ્રાઈવિંગ રેન્જ

ભારતમાં ઈલેક્ટ્રોવિક વ્હીકલની વધતી માંગને જોતા તમામ કંપનીઓએ પોતાના ઈલેક્ટ્રિક વ્હીકલ લોન્ચ કરવાનું શરૂ કરી દીધુ છે. જેમાં ટુ વ્હીલરથી લઈને ચોર વ્હીલરનો પણ સમાવેશ થાય છે. જેમાં એક નવી સ્ટાર્ટ અપ કંપની સિંપલ એનર્જીનું નામ પણ જોડાઈ ગયું છે. 

15 ઓગસ્ટે થશે લોન્ચ
આ સ્ટાર્ટઅપ કંપની પોતાનું નવું ઈલેક્ટ્રિક સ્કૂટર સિંપલ વનના નામથી લોન્ચ કરશે. કંપનીએ આ સ્કૂટરને ભારતીય બજારમાં 15 ઓગસ્ટે લોન્ચ કરવાનો નિર્ણય કર્યો છે. કંપનીએ દાવો કર્યો છે કે આ સ્કૂટરને ઈકો મોડ પર ચલાવવાથી તે 240 કિમીની લાંબી ડ્રાઈવિંગ રેન્જ આપે છે. તેની સાથે જ માનવામાં આવે છે કે આ ઈલેક્ટ્રિક સ્કૂટરમાં કંપની કનેક્ટિંગ એપની સાથે બ્લૂટૂથ કનેક્ટિવિટીની સુવિધા પણ આપશે. જેમાં તમે સ્કૂટર ચલાવતી વખતે પોતાના પોતાના ફોન કોલ લઈ શકો છો. 

15 ઓગસ્ટે લોન્ચ કરવામાં આવી રહેલા આ સ્કૂટરને શરૂઆતમાં દક્ષિણ ભારતના શહેરોમાં લોન્ચ કરવામાં આવશે. જેમાં હૈદરાબાદ, ચેન્નાઈ અને બેંગ્લોરનો સમાવેશ થાય છે. પરંતુ કંપની ટૂંક સમયમાં જ દેશના મોટા શહેરોમાં તેને લોન્ચ કરવાની છે. 

4.8 કિલો વોટની બેટરી
આ સ્કૂટરના પાવર અને વેટરીની વાત કરીએ તો સિંપલ એનર્જીની રીતે આ સિમ્પલ વન સ્કૂટરમાં 4.8 કિલો વોટની બેટરી લગાવવામાં આવી છે. આ બેટરીની ખાસ વાત એ છે કે તે એક ડિટેચેબલ બેટરી છે જેને તમે પોતાના ઘર અથવા ઓફિસમાં સ્કૂટરમાંથી કાઢીને ચાર્જ કરી શકો છો. 

રેન્જ અને સ્પીડને લઈને કંપનીનો દાવો છે કે સિંગલ ચાર્જ પર આ સ્કૂટર ઈકો મોડમાં 240 કિલોમીટરની રેન્જ આપશે. આ સ્કૂટરની ટોપ સ્પીડ છે 100 કિમી અને તે ફક્ત 3.6 સેકેન્ડમાં 0થી 50 કિમીની રફ્તાર પકડી શકે છે. હાલ સ્કૂટરની કિંમત અંગે કોઈ સ્પષ્ટતા નથી કરવામાં આવી પરંતુ આ સ્કૂટરને 1 લાખથી લઈને 1,25,000 રૂપિયાની શરૂઆતી કિંમતની સાથે લોન્ચ કરવામાં આવી શકે છે.