આજે ધનતેરસનો પવિત્ર તહેવાર છે અને સાથે લક્ષ્મીજીની પૂજા માટે સોનું ખરીદવાની ખાસ પરંપરા છે. પરંતુ માર્કેટમાં અસલી અને નકલી બંને સોના મળી રહ્યા છે. જો તમે સોનાની ખરીદી કરો છો તો જાણી લો કે કઈ સરળ રીતે તેને ચેક કરી શકાશે કે તે અસલી છે કે નકલી. જો તમે આ સરળ ચેકિંગ ટિપ્સ અપનાવશો તો તમે તેને સરળતાથી યોગ્ય રીતે ખરીદી શકો છો. સેકંડ્સમાં તમે જાણી શકશો કે તમે અસલી સોનું ખરીદી રહ્યા છો કે નહીં.
સોનું ખરીદતા છેતરાશો નહીં
આ ચેકિંગ ટિપ્સથી જાણો કે સોનું અસલી છે કે નકલી
સેકંડ્સમાં જાણી શકાશે કે સોનું અસલી છે કે નહીં
સોનું જ્વેલરીની સાથે ઇન્વેસ્ટમેન્ટ માટે પણ બેસ્ટ ઓપ્શન છે. તકલીફ ત્યારે આવે છે જ્યારે ખ્યાલ આવે કે સોનું મિલાવટી છે અથવા તો નકલી છે. અસલી સોનાની ઓળખ સામાન્ય માણસ જલ્દી કરી શકતા નથી. તેને ઓળખવાની કેટલીક ટ્રિક્સ હોય છે. જો તમે ઇચ્છો તો ઘરે પણ તેને ટ્રાય કરી શકો છો. તેમાં વધારે સમય લાગતો નથી અને સેકંડ્સમાં જ ખ્યાલ આવે છે કે કયું સોનું સાચું છે અને શેમાં મિલાવટ છે.
22 કેરેટ ગોલ્ડને તમે બાઇટ કરો છો તો તેની પર દાંતના આછા નિશાન બને છે કેમ કે તે સોફ્ટ હોય છે. આ ટેસ્ટ 18 કેરેટ ગોલ્ડ પર ન કરવો. તે હાર્ડ હોય છે.
જો તમે પ્યોર ગોલ્ડ ખરીદતા હશો તો તેની પર હોલમાર્ક આવે છે. તેનાથી શુધ્ધ સોનાની ખાતરી કરી શકાય છે.
જ્વેલરીના રંગ પર ધ્યાન આપો. 22 કેરેટ સોનું બ્રાઈટ યલો હોય છે, 18 કેરેટ સોનું સ્ટ્રોંગ યલો અને પછીનું સોનું ઓછું લાઈટ યલો હોય છે. જ્યારે સોનું ખરીદો ત્યારે તેના કલરને ચેક કરો તે જરૂરી છે.
એક કપ પાણીમાં ગોલ્ડ નાંખીને રાખો. નકલી ગોલ્ડ પાણીમાં થોડું તરે છે અને અસલી ગોલ્ડ પાણીમાં બેસી જાય છે. તેમાં કાટ લાગતો નથી.
સ્મેલથી કરો ઓળખ આ સૌથી સરળ ટ્રિક છે. જ્યારે સોનું પરસેવાના સંપર્કમાં આવે છે ત્યારે તેમાંથી સ્મેલ આાવે તો તેમાં મિલાવટ હોય છે તે નક્કી છે. કારણકે પ્યોર ગોલ્ડમાંથી ક્યારેય સ્મેલ આવતી નથી. આ સિવાય તેની પર કાળા કે લીલા ડાઘ પણ જોવા મળતા નથી.
મેગ્નેટ સોનાની પાસે લઇ જાવ. આ સમયે જો તે એટ્રેક્ટ થાય છે તો સમજો કે સોનામાં મિલાવટ છે.
જો ગોલ્ડ પહેર્યા બાદ સ્કીન પર કોઇ બદલાવ દેખાય તો સોનું સાચું નથી.
આ સિવાય નકલી સોના પર બ્લેક કે ગ્રીન કલરના સ્પોટ દેખાવવા લાગે છે.