બધાને હસાવતા કોમેડિયન અને એક્ટર સુનીલ ગ્રોવરના ફેન્સ માટે એક શોકિંગ ન્યૂઝ સામે આવી રહ્યા છે.
સુનીલ ગ્રોવરના ફેન્સ માટે ખરાબ સમાચાર
સુનિલ ગ્રોવરની કરવામાં આવી હાર્ટ સર્જરી
આ એક્ટ્રેસ ટ્વીટ કરીને આપી માહિતી
કોમેડિયન સુનીલ ગ્રોવરના ફેન્સ માટે એક ખરાબ સમાચાર સામે આવી રહ્યા છે. હકીકતે સુનિલની હાર્ટ સર્જરી થઈ છે. આ જાણકારી એક્ટ્રેસ સિમી ગ્રેવાલે ટ્વીટ કરીને આપી છે. સિમી પણ કોમેડિયનની ખૂબ મોટી ફેન છે.
સિમીએ પોતાના ટ્વીટમાં લખ્યું, "મને એ જાણીને શોક લાગ્યો કે સુનીલ ગ્રોવરની હાર્ટ સર્જરી થઈ છે. જે માણસ આપણને આટલું હસાવે છે અને બધાના દિલને ખુશીઓથી ભરી દે છે. તે આજે આ પ્રકારે છે. આ સાંભળીને મારૂ દિલ તૂટી ગયું હતું. પ્રાર્થના કરીશ કે તે જલ્દીથી જલ્દી રિકવર થઈ જાય. તેમનું ટેલેન્ટ અદભૂત છે. અને હું હંમેશાથી તેમની આટલી મોટી ફેન રહી છું."
Am shocked that @WhoSunilGrover has had heart surgery. Filling our hearts with laughter & joy..at the cost of his own.💔.. I pray he recovers fast..🙏 He has a formidable talent..& I'm a huge fan!!
ફેન્સ સુનીલ ગ્રોવરની હાર્ટ સર્જી વિશે સાંભળીને શોક્ડ થઈ ગયા છે. સોશિયલ મીડિયા પર તે સતત ટ્વીટ કરી તેમના જલ્દી સ્વસ્થ્ય થવાની કામના કરી રહ્યા છે. એક ફેને લખ્યું, "સુનીલ ગ્રોવર પ્રાર્થના કરીએ કે તમે જલ્દી જ સાજા થઈ જાઓ અને સ્ટેજ પર ડૉ. મશહૂર ગુલાટી બનીને પરત ફરો."
કોમેડીયનની જર્ની છે ખૂબ જ રસપ્રદ
સુનીલ ગ્રોવરનું કરિયર ખૂબ જ ઉતાર-ચઢાવથી ભરેલું છે. તેમણે કરિયરની શરૂઆત ટીવીથી કરી હતી. શો 'ચલા લલ્લા હીરો બનને'માં તે જોવા મળ્યા હતા. તે ઉપરાંત સુનીલ ટીવીના પોપ્યુલર શો 'ગુટર ગૂં'માં પણ લોકોને હસાવતા જોવા મળ્યા હતા. કપિલ શર્માની સાથે સુનીલની મિત્રતા જુની છે. બન્ને દર્શકોનું મનોરંજન કોમેડી શો 'કોમેડી નાઈટ્સ વિથ કપિલ'માં કરે છે.