બોલિવૂડ એક્ટ્રેસ મલાઈકા અરોરા તેના ફેશન અને ડ્રેસિંગ માટે હમેશાં ચર્ચામાં રહે છે પરંતુ શું તમે ક્યારેય વિચાર્યું છે કે, તેની આ સ્ટાઈલ પાછળ કેટલાય લોકોની મહેનત છુપાયેલી છે. મલાઈકાના સ્ટાઈલિશ ડ્રેસિસથી લઈને ફેશનબુલ લુક્સ માટે મલાઈકાના તૈયાર થવાથી લઈને તેની સુંદર ડ્રેસિસ બનાવવાની જવાબદારી તેની સ્ટાઈલિસ્ટની સાથે ડિઝાઈનર પર પણ હોય છે. આવી જ એક જાણીતી ફેશન ડિઝાઈનર સિમર દુગ્ગલ પણ હતી.
મલાઈકા પર તૂટ્યો દુઃખનો પહાડ
તેની મિત્રનું થયું નિધન
મલાઈકાએ તેના માટે લખી ઈમોશનલ પોસ્ટ
બી ટાઉનની જાણીતી ફેશન ડિઝાઈનર સિમર દુગ્ગલનું આજે નિધન થઈ ગયું છે. તે લાંબા સમયથી કેન્સરથી પીડિત હતી. સિમર દુગ્ગલે બોલિવૂડ હસીનાઓ માટે એકથી એક આઉટફિટ્સ ડિઝાઈન કર્યા હતા. એવામાં આજે તેના નિધનથી બોલિવૂડ સેલેબ્સ આઘાતમાં છે, સાથે જ તેની અચાનક મોતથી તેની મિત્ર અને એક્ટ્રેસ મલાઈકાને ઘેરો આઘાત લાગ્યો છે. તેણે તેની મિત્ર માટે એક ઈમોશનલ પોસ્ટ લખીને તેને અંતિમ વિદાઈ આપી છે.
A post shared by Malaika Arora (@malaikaaroraofficial) on
મલાઈકા અરોરાએ તેના ઈન્સ્ટાગ્રામ પર ભાવુક મેસેજ લખીને શોક વ્યક્ત કર્યો છે. તેણે સિમરની કેટલીક તસવીરો શેર કરીને લખ્યું- જ્યારે મેં આ સમાચાર સાંભળ્યા મારી આંખો છલકાઈ ગઈ. હું મારા આંસુ રોકી શકી નહીં. મારી સુંદર મિત્ર, મારી પરી, મારો સૌથી મજબૂત સાથી, મારી દયાળુ સિમર દુગ્ગલ...હું તમે ખૂબ પ્રેમ કરું છું અને તારી ખૂબ જ યાદ આવશે. તારી આત્માને શાંતિ મળે મારી મિત્ર.
તમને જણાવી દઈએ કે મલાઈકાની આ પોસ્ટ બાદ સોશિયલ મીડિયા પર તેના મિત્રો તેને સાંત્વના આપી રહ્યાં છે. શ્વેતા બચ્ચન, સોફી ચૌધરી જેવા સેલેબ્સ સિમરની આત્માને શાંતિ મળે તે માટે પ્રાર્થના કરી રહ્યાં છે. મલાઈકાની બહેન અમૃતા અરોરાએ પણ સિમરને યાદ કરતાં લખ્યું-તારી આત્માને શાંતિ મળે મારી વહાલી સિમ.તમને જણાવી દઈએ કે, સિમર દુગ્ગલ એવી પહેલી મોડલ છે જેણે રૂઢીવાદી વિચારધારાને તોડીને લગ્ન બાદ પણ રેમ્પ પર વોક કર્યું હતું. તે તેના એથનિક વિયર કલેક્શન માટે સૌથી વધુ ફેમસ હતી.