તમારા કામનું / મોબાઈલનું સિમ કાર્ડ બદલથી વખતે આ ભૂલો પડશે ભારે, થઇ શકે છે હજારો રૂપિયાનું નુક્શાન

• સીમ કાર્ડ બદલતી વખતે આટલી ભૂલો ન કરો
• મોબાઈલમાં સીમકાર્ડની ટ્રે ખુબ નાજુક હોય છે
• મિકેનિઝમ પણ ખૂબ જ સંવેદનશીલ હોય છે

ઘણા લોકો સમય સમય પર મોબાઈલ બદલાવતા રહેતા હોય છે, ત્યારે ઘણા લોકો એક મોબાઈલમાં ઘણી વાર સીમ બદલાવતા હોય છે. આમ જોઈએ તો આ સામાન્ય બાબત છે, પરંતુ જો તમે સીમ બદલાવતી વખતે આ ભૂલો કરતા હોય તો તમારે પસ્તાવો થઇ શકે છે. વાસ્તવમાં સિમકાર્ડની ટ્રે ખૂબ જ નાજુક હોય છે અને તેનું મિકેનિઝમ પણ ખૂબ જ સંવેદનશીલ હોય છે. આજે આ સમાચાર દ્વારા અમે તમને એક એવી રીત જણાવવા જઈ રહ્યા છીએ કે તમને હજારો રૂપિયાનું નુકસાન નહીં થાય કારણ કે એક વાર ભૂલ થઈ જાય તો તમારે સ્માર્ટફોનને રિપેર કરવો પડશે, તો ચાલો જાણીએ કઈ કઈ છે આ ટિપ્સ.

SIM ટ્રેની સફાઈ
જો તમે સિમ કાર્ડ ઈન્સ્ટોલ કરી રહ્યા છો અને સિમ ટ્રે ગંદી થઈ ગઈ છે, તો તમારે પહેલા તેને સાફ કરીને પછી સિમ કાર્ડ બદલવું જોઈએ. વાસ્તવમાં સિમ ટ્રેમાં ગંદકી હોય તો તેના કારણે સ્માર્ટફોન સિમ કાર્ડ રીડ કરી શકતું નથી અથવા તો તેમાં થોડી સમસ્યા આવે છે. આવી સ્થિતિમાં, સિમ ટ્રેને ચોક્કસપણે સાફ કરો.

પાણી સામે રક્ષણ 
તમારે આ સિમ ટ્રેને સાફ કરવા માટે કોઈ પ્રવાહીનો ઉપયોગ કરવો જોઈએ નહીં કે પાણીનો ઉપયોગ કરીને તેને સાફ કરવો જોઈએ નહીં. વાસ્તવમાં આમ કરવાથી સ્માર્ટફોન ખરાબ થઈ શકે છે અને તમે હજારો રૂપિયાનું નુકસાન કરી શકો છો.

સિમ કાર્ડને કાળજીથી બદલો
તમારે હંમેશા કાળજીપૂર્વક સિમકાર્ડ કાઢીને તેને બદલવું જોઈએ જો તમે આમ કરશો તો સિમ ટ્રેનમાં કોઈ નુકસાન નહીં થાય, નહીં તો સિમ ટ્રે તેમજ રીડિંગ મિકેનિઝમ પણ બગડી શકે છે. આ પદ્ધતિઓ તમારા સ્માર્ટફોનને સુરક્ષિત રાખી શકો છો.