તૈયારી / રિલાયન્સ ગ્રુપમાં વધુ એક કંપની રૂ.7300 કરોડનું રોકાણ કરવાની તૈયારીમાં

• રિલાયન્સ રિટેલમાં રોકાણ કરશે સિલ્વર લેક
• સિલ્વર લેક 7300 કરોડ રૂપિયાનું કરશે રોકાણ
• કોઈ પણ કંપની તરફથી આ માટેની માહિતી અપાઈ નથી

રિલાયન્સ જિઓમાં લગભગ 1.5 લાખ કરોડ રૂપિયાનું મોટું રોકાણ કર્યા બાદ મુકેશ અંબાણી પોતાની રિટેલ કંપનીને માટે ફંડ ભેગું કરી રહ્યા છે. એક રિપોર્ટ અનુસાર પ્રાઈવેટ ઈક્વિટી ફર્મ સિલ્વર લેક પાર્ટનર્સની તરફથી રિલાયન્સ રિટેલમાં 1 અરબ ડોલર એટલે કે 7300 કરોડ રૂપિયાનું મોટું રોકાણ કરી શકાય છે. 

રિટેલ રોકાણમાં કંપની કરી રહી છે વિસ્તાર

તેલથી લઈને ટેલિકોમ સુધીમાં મોટું નામ કમાનારા મુકેશ અંબાણી હવે રિટેલ બિઝનેસમાં હાથ અજમાવી રહ્યા છે. તેઓએ ફ્યુચર ગ્રૂપના રિટેલ કારોબારને 24700 કરોડ રૂપિયામાં ખરીદ્યો છે. એટલું નહીં રિલાયન્સ જિયોની જેમ વૈશ્વિક રોકાણકારોને પણ આકર્ષિત કરવાની તૈયારી કરી રહ્યું છે. જેથી મોટા પાયે રોકાણ કરી શકાય. 

કંપનીએ ફેસબુક સહિત દિગ્ગજ કંપનીઓ સાથે મોટા પાયે રિલાયન્સ જિઓમાં રોકાણ કર્યું છે. રિલાયન્સ રિટેલમાં રોકાણનો પ્લાન બનાવી રહેલી સિલ્વર લેકે જિઓમાં પણ 10000 કરોડ રૂપિયાનું રોકાણ કર્યું છે. કંપનીએ જિઓમાં બે ભાગમાં રોકાણ કર્યું હતું. પહેલીવાર કંપનીએ 5655 કરોડ રૂપિયાનું રોકાણ કર્યું હતું. જ્યારે અન્ય વખતે તેણે 4546.8 કરોડ રૂપિયાનું રોકાણ કર્યું છે. 

અગાઉ પણ આ રીતે કર્યું છે રિલાયન્સમાં રોકાણ

સિલ્વર લેકને વિશે માહિતી આપીએ તો આ એક અમેરિકી પ્રાઈવેટ ઈક્વિટી ફર્મ છે જે ટેક્નોલોજી અને તેનાથી સંબંધિત ઉદ્યોગમાં મોટા પાયે રોકાણ કરે છે. 1999માં સ્થાપિત ફર્મ દુનિયાની સૌથી મોટી ટેક્નોલોજીમાંની એક છે. ફેસબુકની તરફથી રિલાયન્સ જિઓમાં રોકાણ બાદ સિલ્વર લેકે શરૂઆતની કંપનીઓમાંની હતી જેને રિલાયન્સ જિઓમાં રોકાણ કર્યું હતું.