3 નવેમ્બરે અમેરિકન રાષ્ટ્રપતિની ચૂંટણીના પરિણામની અનિશ્ચિતતાના કારણે સોમવારે સવારે કારોબાર દરમિયાન સોના-ચાંદીનો વાયદાની કિંમતમાં તેજી આવી છે. એમસીએક્સ પર સોનાનો વાયદો ભાવ 0.12 ટકા એટલે કે 61 રુપિયા વધીને 50, 760 રુપિયા પ્રતિ 10 ગ્રામ થયું છે. ચાંદીની વાત કરીએ તો આ 1.12 ટકા એટલે કે 682 રુપિયા વધીને 61, 547 રુપિયા પ્રતિ કિલોગ્રામ થઈ ગઈ છે.
સોનાની માંગ વર્ષ ભરની સરખામણીએ 30 ટકા ઓછી થઈ
ગત વર્ષના સપ્ટેમ્બર ક્વાર્ટરમાં સોનાની કુલ માંગ 123.9 ટન રહી હતી
આ વર્ષે વૈશ્વિક સ્તર અનુરુપ સોનાની કિંમતો 25 ટકા વધી
વૈશ્વિક સ્તર પર મજબૂત ડોલરને કારણે સોનામાં ઘટાડો નોંધાયો છે. રોકાણકારોને મંગળવારે થનારી અમેરિકન રાષ્ટ્રપતિની ચૂંટણીની રાહ છે. હાજર સોના 0.2 ટકા ઘટીને 1873.87 ડૉલર પ્રતિ ઔંસ થઈ ગયું છે. અમેરિકન સોના વાયદા 0.3 ટકા ઘટવાની સાથે 1875. 00 ડૉલર પ્રતિ ઔંસ પર રહ્યું છે. ડૉલર ઈન્ડેક્સ 0.1 ટકા મજબૂત થયો છે. અન્ય કિંમતી ધાતુઓમાં, ચાંદી 0.9 ટકા ઘટીને 23.41 ડૉલર પ્રતિ ઓંસ પર આવી ગઈ છે. પ્લેટિનમ 1.5 ટકા ઘટીને 836.37 ડોલર અને પેલેડિયમ 0.2 ટકા વધીને 2,216.05 ડૉલર થઈ ગયો છે.
વિશ્વ સ્વર્ણ પરિષદ(WGC)ની રિપોર્ટ અનુસાર કોરોના મહામારી સાથે જોડાયેલા વ્યવધાનો તથા ઉંચી કિંમતોના કારણે સપ્ટેમ્બર ક્વાર્ટરમાં ભારતમાં સોનાની માંગ વર્ષ ભરની સરખામણીએ 30 ટકા ઓછી થઈને 86.6 ટન પર આવી ગઈ છે. ગત વર્ષના સપ્ટેમ્બર ક્વાર્ટરમાં સોનાની કુલ માંગ 123.9 ટન રહી હતી. મૂલ્યના આધાર પર આ દરમિયાન સોનાની માંગ ગત વર્ષ 41, 300 કરોડ રુપિયાની સરખામણીમાં ચાર ટકા ઓછી થઈને 39, 510 કરોડ રુપિયા પર આવી ગઈ છે. ભારતમાં આ વર્ષે વૈશ્વિક સ્તર અનુરુપ સોનાની કિંમતો 25 ટકા વધી છે. વિશ્લેષકોએ આશા વ્યક્ત કરી છેકે ભારતમાં સોનાની માંગ તહેવારોમાં વધશે.