કોરોના કાળમાં કેટલાક રાજ્યોમાં આંશિક લોકડાઉનની સ્થિતિને લઇને આ વખતે આ સિઝન ફેઇલ જતાં વેપારીઓને રાતા પાણીએ રોવાનો વારો આવ્યો છે.
સિલ્ક સિટી સુરતને કોરોનાનો ફટકો
દક્ષિણ ભારતમાં આડીની સિઝન ફેઈલ
આડીની સીઝન ન યોજાતા વેપારીઓને ફટકો
કોરોનાને કારણે દેશ અને દુનિયામાં મંદી જેવો માહોલ સર્જાયો જેની અસર અનેક ઉદ્યોગ અને વ્યવસાય પર પડી જેમાંથી સુરત પણ બાકાત રહી શક્યું નથી.
સિલ્ક સિટી સુરતને કોરોનાનો ફટકો
સિલ્ક સિટી ગણાતા સુરતમાં વેપારીઓની સ્થિતિ કફોડી બની છે કોરોના કાળમાં થયેલા નુકસાનને પગલે આજે અનેક ઉદ્યોગોને ખોટમાં જઈ રહ્યા છે. સુરત કાપડ અને હીરા ઉદ્યોગનું હબ ગણાય છે દર વર્ષે હજારો કરોડોનું ટન ઓવર થતું હોય છે. કોરોનાને કારણે આ વખતે સ્થિતિ કઈ અલગ જોવા મળી રહી છે.
આડીની સીઝન ન યોજાતા વેપારીઓને ફટકો
દક્ષિણ ભારતમાં વર્ષે જૂન મહિનાથી જુલાઇ અંત સુધી આડીની સિઝન ચાલે છે આ આડીની સિઝન ખાસ ટેક્સટાઇલ માર્કેટને 1 હજાર કરોડનો વાર્ષિક વ્યવસાય આપે છે. પરંતુ કોરોના કાળમાં કેટલાક રાજ્યોમાં આંશિક લોકડાઉનની સ્થિતિને લઇને આ વખતે આ સિઝન ફેઇલ જતાં વેપારીઓને રાતા પાણીએ રોવાનો વારો આવ્યો છે.
ટેક્સટાઇલ વ્યવસાય પર માઠી અસર પડી
સિલ્ક સિટી સુરતમાં ટેક્સટાઇલ હબ ગણાતા સુરતમાં કોરોનાની પહેલી અને બીજી લહેરને કારણે ટેક્સટાઇલ વ્યવસાય પર માઠી અસર પડી છે. ગત વર્ષે એટલે 2020માં કોરોનાના કારણે લગ્ન, સ્કૂલ યુનિફોર્મ, શ્રાવણ, રક્ષાબંધન ગણેશ ચતુર્થી જેવી સિઝનો ફેઇલ થઇ હતી દિવાળીની સિઝનમાં થોડો ઘણો વ્યાપાર વેપારીઓએ કર્યો હતો.પરંતુ જ્યારથી કોરોનાની બીજી લહેર આવી ત્યારથી ફરી પાછો ટેક્સટાઇલ વ્યવસાયને ફટકો પડવાનો શરૂ થયો ગયો છે.
દર વર્ષે આડી પહેલા વેપારી સુરત આવે છે
આ વર્ષે પણ મહત્વની કહી શકાય એવી આડી, લગ્ન અને સ્કુલ યુનિફોર્મની સિઝન ફેઇલ થઇ છે. ખાસ આડીની સિઝન ફેઇલ થતા વેપારીઓને 1 હજાર કરોડના વ્યવસાયનો ફટકો પડ્યો છે. મહત્વનું છે કે, દક્ષિણ ભારતમાં અનેક તહેવારોની ઉજવણી કરાય છે. પરંતુ દક્ષિણ ભારતમાં છેલ્લા કેટલાય વર્ષોથી આડી પણ ઉજવવામાં આવે છે.આડી એટલે એક મોટા સેલનું આયોજન દક્ષિણના વેપારીઓ દ્વારા કરવામાં આવે છે. દર વર્ષે આડી પહેલા વેપારી સુરત આવે છે અને મોટાપાયે ખરીદી કર્યા બાદ આડીના સેલમાં સાડી, ડ્રેસ મટિરીયલ વગેરેનું વેચાણ કરવામા આવે છે.
દક્ષિણ ભારતમાં આડીની સિઝન ફેઈલ
જૂન-જુલાઈ અને ઓગસ્ટ મહિનામાં આડીની સિઝન નીકળતી હોય છે. દક્ષિણ ભારતીય વેપારીઓ દ્વારા એક પર એક સાડી ફ્રી સહિત ડિસ્કાઉન્ટ અનેક ઓફર્સ ત્યાંના ખરીદદારોને આપવામાં આવતી હોય છે. આ આડીની સિઝનમાં વેપારીઓ સુરતથી 1 હજાર કરોડની ખરીદી કરે છે. જો કે આ વખતે આડી પહેલા સુરત સહિત દક્ષિણ ભારતના કેટલાક રાજ્યોમાં આંશિક લોકડાઉનની સ્થિતિ હતી. તેથી આડીની ખરીદી વેપારીઓ કરી શક્યા ન હતા. અને સુરતના વેપારીઓની સિઝન ફેઇલ થવા પામી છે.
દક્ષિણ ભારતના વેપારીઓ આ વર્ષે ન આવ્યા ખરીદી માટે
મહત્વનું છે કે, છેલ્લા કેટલાય સમયથી ચાલી રહેલા કોરોનાને કારણે લોકો પરેશાન થઇ રહ્યા છે ત્યારે સુરતના કાપડ ઉદ્યોને મરણતોડ ફટકો પડવા પામ્યો છે. આ ફટકાને કારણે કેટલાક વેપારીઓ કાપડનો વ્યવસાય બંધ કરે તો નવાઇ નહીં.