એવુ અનુમાન લગાવવામાં આવ્યું છે કે 50 થી 60 ટકા સુધી ડાયાબિટીસના દર્દીઓને હાર્ટની બિમારીઓ થઇ શકે છે. હાઈ બ્લડ શુગરવાળા ડાયાબિટીસના દર્દીઓમાં હાર્ટ બિમારીઓનુ જોખમ વધારે હોય છે.
50 થી 60 ટકા સુધી ડાયાબિટીસના દર્દીઓને હાર્ટની બિમારીઓ થઇ શકે
આ દર્દીઓને આવી શકે છે સાયલન્ટ હાર્ટ એટેક
જાણો હોસ્પિટલના નિષ્ણાંત ડોકટરો શું કહે છે
ડાયાબિટીસના દર્દીઓને હાર્ટની બિમારીઓનુ વધારે રહે છે જોખમ
છેલ્લાં કેટલાંક મહિનાથી અચાનક હાર્ટ એટેક આવવો અને કાર્ડિયક અરેસ્ટથી ઘણા લોકોના મોત થયા છે. નિષ્ણાંતો કહે છે કે જે લોકોને ડાયાબિટીસ છે એવા લોકોને પણ હાર્ટની બિમારીઓનુ જોખમ વધારે રહે છે. આવા લોકો સાઈલન્ટ હાર્ટ એટેક માટે અતિ સંવેદનશીલ હોઇ શકે છે, નિષ્ણાંત જણાવે છે કે ડાયાબિટીસ એક એવી સ્થિતિ છે, જેમાં શરીરમાં ઈન્સુલિનનુ લેવલ બરોબર રહેતુ નથી અને શુગરનુ સ્તર વધી જાય છે. એવામાં જે લોકોને ડાયાબિટીસ છે અને શુગરનુ લેવલ વધારે છે. તેઓએ પોતાના હાર્ટની સારસંભાળ રાખવી જોઈએ. જેના માટે નિયમિત રીતે હાર્ટની તપાસ જરૂરી છે.
સાયલેન્ટ હાર્ટ એટેક કેવીરીતે આવે છે?
એપોલો ડાયગ્નેસિસના ડૉ. નિરંજન નાયક કહે છે કે સાયલેન્ટ હાર્ટ એટેક એવો હોય છે, જેમાં કોઈ લક્ષણો હોતા નથી અથવા જાણ ન હોય તેવા લક્ષણો સાથે આવે છે. મેડિકલ ન્યુઝ ટુડે મુજબ, એક વ્યક્તિને ત્યાં સુધી તેની જાણકારી હોતી નથી કે જ્યાં સુધી અચાનક હાર્ટમાં પરેશાની ન થાય. અમેરિકન હાર્ટ એસોસિએશન મુજબ, સાયલેન્ટ હાર્ટ એટેક અંદાજીત 8,05,000 વાર્ષિક હાર્ટ એટેક કેસમાંથી લગભગ 1,70,000 હોય છે.
ડાયાબિટીસ સાથે શું સંબંધ છે?
એવુ અનુમાન લગાવવામાં આવ્યું છે કે 50 થી 60 ટકા સુધી ડાયાબિટીસના દર્દીઓને હાર્ટની બિમારીઓ થઇ શકે છે. જાણીતી હોસ્પિટલના ઈન્ટરનેશનલ કાર્ડિયોલોજીસ્ટ ડૉ.નુ કહેવુ છે કે હાઈ બ્લડ શુગરવાળા ડાયાબિટીસના દર્દીઓમાં હાર્ટની બિમારીઓનુ રિસ્ક ખૂબ વધારે હોય છે. તેમની હાર્ટ આર્ટરીમાં બ્લોક થવાની આશંકા પણ રહે છે. બ્લોકનો અર્થ કોરોનરી ધમનીઓ, મગજની ધમનીઓ અને કિડનીના રક્ત પ્રવાહમાં ધીમી ગતિથી અવરોધરૂપ છે. જેમકે એથેરોસ્કલોરોટિક હૃદયરોગ કહેવામાં આવે છે. જે સામાન્ય રીતે એકસાથે હોય છે અને તેમાં ડાયાબિટીસ, હાઈ બ્લડ પ્રેશર, હૃદય રોગ, સ્ટ્રોક અને કિડનીની બિમારીઓનો સમાવેશ થાય છે.