કોરોના સંકટ / ભારતના આ એકમાત્ર કોરોનામુક્ત રાજ્યમાં સામે આવ્યો કોવિડ-19નો પહેલો કેસ

આરોગ્ય વિભાગના મહાનિદેશક સહ સચિવ પેમ્પા શેરિંગ ભૂટિયાએ પત્રકારો સાથેની વાતચીતમાં જણાવ્યું કે વિદ્યાર્થીનુ સેમ્પલ સિલિગુડી સ્થિત ઉત્તર બંગાળ ચિકિત્સા મહાવિદ્યાલય તેમજ હોસ્પિટલમાં મોકલવામાં આવ્યું હતું. જો કે રિપોર્ટ કોરોના પોઝિટિવ આવ્યો હતો. આ વિદ્યાર્થી દક્ષિણ સિક્કિમના રબાંગ્લાનો રહેવાસી છે અને હાલમાં તેનો ઇલાજ સર થૂતોબ નામગ્યાલ સ્મારક હોસ્પિટલ ખાતે ચાલી રહ્યો છે. અધિકારી ભૂટિયાએ જણાવ્યું કે વિદ્યાર્થી દિલ્હીમાં રહીને સ્પર્ધાત્મક પરીક્ષાની તૈયારીઓ કરી રહ્યો હતો. 

દુનિયાભરમાં દેશની સાથે-સાથે ભારતમાં કોરોનાવયરસનો કહેર ઝડપથી વધી રહ્યો છે. એક રિપોર્ટ અનુસાર 180થી વધારે દેશોમાં ફેલાઇ ચૂકેલો આ વાયરસે અત્યાર સુધીમાં 3.25 લાખથી વધુ લોકોના જીવ લીધા છે. દુનિયાભરમાં 51 લાખથી વધારે લોકો સંક્રમિત થયા છે. આ આંકડો દરરોજ વધી રહ્યો છે. આ આંકડો આરોગ્ય મંત્રાલય દ્વારા શનિવારે સવારે જારી કરેલા મુજબ છે. 

ભારતમાં કોરોના વાયરસના સંક્રમિત લોકોની સંખ્યા 1,25,101 થઇ ગઇ છે. છેલ્લા 24 કલાકમાં કોરોનાના 6,654 નવા કેસો સામે આવ્યાં છે જ્યારે 137 લોકોના મોત થયા છે. દેશમાં પહેલી વખત 24 કલાકમાં આટલી મોટી સંખ્યામાં કોરોનાના કેસ સામે આવ્યાં છે. અત્યાર સુધીમાં 3,720 લોકોના મોત થયા છે, જો કે 51,784 દર્દીઓ કોરોનાને મ્હાત આપવામાં સફળ રહી છે.

દેશમાં રિકવરી રેટમાં સતત સુધારો જોવા મળી રહ્યો છે. હાલ દેશમાં રિકવરી રેટ 41.39 ટકા પર પહોંચ્યો છે. જો કે હાલમાં દેશના બધા રાજ્યોમાંથી કોરોનાના દર્દીઓ સામે આવ્યાં છે. જો કે ઘણા રાજ્યો એવા પણ છે કે કોરોના મહામારીથી મુક્ત પણ થઇ ગયા છે.