અદભુત / ન્યૂરો સાયન્ટિસ્ટ શીખની પચરંગી પાઘડી ચર્ચામાં, ઓબામાએ કર્યા વખાણ

વોશિંગ્ટનઃ અમેરિકાનાં ન્યૂરો સાયન્ટિસ્ટ જીવનદીપ કોહલીની સતરંગી પાઘડીની સોશિયલ મીડિયા પર ચર્ચા થઇ રહી છે. આ વર્ષે પ્રાઇડ ઓફ મન્થના સેલિબ્રેશન સમયે તેમણે રેમ્બોવાળી પાઘડી પહેરીને ફોટો ટ્વિટ કર્યો હતો. આ પોસ્ટમાં તેમણે લખ્યું હતું કે હું મારી ઓળખ બાય સેકસ્યુઅલના તમામ પક્ષને વ્યક્ત કરવામાં સક્ષમ છું. પૂર્વ રાષ્ટ્રપતિ બરાક ઓબામાએ ગઇ કાલે જીવનદીપનો ફોટો ટ્વિટ કરીને લખ્યું કે તમે આ દેશ માટે જે પણ કરી શકો છો તે માટે ધન્યવાદ.

જીવનદીપે ર જૂને ટ્વિટ કર્યું હતું. તેના ટ્વિટને અત્યાર સુધી ત્રણ લાખથી વધુ લાઇક્સ મળ્યા છે અને પર,૦૦૦થી વધુ રિટ્વિટ કરાયું છે. જીવનદીપે બીજા ટ્વિટમાં લખ્યું છે કે તેણે આ પાઘડી જાતે પહેરી છે અને તે માટે તેણે લાંબા સમયથી પ્રેક્ટિસ કરી હતી. તેને બાંધવા અને પિન લગાવવા માટે કલાકો લાગી ગયા, પરંતુ હવે તેને આ પાઘડીની અસલી કિંમતની જાણ થઇ છે.

બરાક ઓબામાએ જીવનદીપનાં વખાણ કરતાં કહ્યું કે તમારી પાઘડી ખૂબ જ સુંદર લાગે છે. ઉલ્લેખનીય છે કે પ્રાઇડ ઓફ મન્થ એક ચળવળ જેવું હોય છે, તેની શરૂઆત ૧ જૂનથી થાય છે. ૧૯૬૯નાં જૂનમાં ન્યૂયોર્કમાં સ્ટોનવેલ તોફાન થયાં હતાં. તે સમાન અધિકારો માટે કરાયેલા આંદોલનમાં એક નવો વળાંક સાબિત થયાં હતાં.