સાવધાન / આ 8 વસ્તુઓ આપે છે શરીરમાં મોટી ગડબડીના સંકેત, આવા લક્ષણો દેખાય તો સમજી જજો વહેલા થઈ જશો ઘરડા

• 7 એપ્રિલે ઉજવાય છે વર્લ્ડ હેલ્થ ડે
• 6 પ્રકારની હોય છે પ્રાઈમરી હેલ્થ
• તમારા શરીરમાં આવા લક્ષણ દેખાય તો ચેતી જજો 

વર્લ્ડ હેલ્થ ડે દર વર્ષની 7 એપ્રિલે ઉજવવામાં આવે છે. વિશ્વ સ્વાસ્થ્ય દિવસ 2022ની થીમ 'Our Planet, Our Health'છે. પ્રાઈમરી હેલ્થ 6 પ્રકારની હોય છે. જેમાં ફિઝિકલ, મેન્ટલ, સોશિયલ, ઈમોશનલ, એનવાયરમેન્ટલ અને સ્પ્રિચુઅલ હેલ્થનો સમાવેશ થાય છે. જો કોઈની આ 6 પ્રાઈમરી હેલ્થ યોગ્ય છે તો તેને સ્વસ્થ્ય માનવામાં આવે છે. 

દુનિયાભરમાં ઘણા ભયાનક બીમારીઓથી લાખો લોકો પીડિત છે. ત્યાં જ આજના સમયમાં લોકોની અન હેલ્ધી લાઈફસ્ટાઈલ અને ભોજનના કારણે ખૂબ સમસ્યાઓ ઉભી થાય છે. આ સમસ્યાઓના કારણે દરેક મનુષ્યના શરીરમાં કોઈને કોઈ લક્ષણ જોવા મળે છે. અમે અમુક સંકેત વિશે જણાવી રહ્યા છીએ જેનાથી જાણકારી મળશે કે તમારૂ સ્વાસ્થ્ય ખરાબ થઈ ચુક્યું છે અને તરત ધ્યાન આપવું જરૂરી છે. 

અજાણતા વજન ઓછુ થવું 
અમેરિકન કેન્સર સોસાયટીના મુખ્ય કેન્સર નિયંત્રણ અધિકારી, એમડી, રિચર્ડ વેન્ડરના જણાવ્યા અનુસાર, જો તમારૂ કોઈ ડાયેટ અથવા એક્સરસાઈઝમાં ફેરફાર કર્યા વગર 10 પાઉન્ડથી વધારે વજન ઓછુ થઈ જાય છે તો તેની તપાસ જરૂર કરાવો. અચાનક વજન ઓછુ કરવાના કારણે અગ્નાશય, પેટ, ગ્રાસનલી અથવા ફેફસાનું કેન્સર હોઈ શકે છે. 

દાંત તૂટવા
યુનિવર્સિટી ઓફ નોર્થ કેરોલિના સ્કૂલ ઓફમાં ગેસ્ટ્રોઈન્ટેસ્ટાઈનલ નિષ્ણાંત, એમડી, ઈવાન ડેલનના જણાવ્યા અનુસાર, જે લોકોના વારંવાર દાંત તૂટે છે. તેમને એસિડ રિફ્લક્સની ફરિયાદ હોઈ શકે છે. તેમાં એસિડના કારણે દાંત તૂટવા લાગે છે.

નસકોરા લેવા 
ઘણા લોકોને જોર જોરથી નસકોરા લેવાની આદત હોય છે. નસકોરા  ઘણી સ્વાસ્થ્ય સ્થિતિઓ સાથે જોડાયેલા હોય છે જેને સ્લીપ અપનિયા, વધારે વજન, હૃદય રોગ, જીઈઆરડી અને સ્ટ્રોક વગરે. માટે નસકોરા બોલતા હોય તો તામારા ડોક્ટરની સલાહ લો. 

સ્કિન સ્વચ્છ ન હોવી 
સ્કિન પર નિશાન અથવા ધબ્બા હોવા પણ ગંભીર સ્વાસ્થ્યનો સંકેત હોઈ શકે છે. જો કોઈને ખિલ, ખંજવાડ થઈ રહ્યું છે તો શરીરને અમુક ગંભીર બીમારીઓ પણ હોઈ શકે છે. ઉદાહરણ તરીકે માથા પર ખિલ ખરાબ લાઈફસ્ટાઈલ, ઓછી ઉંઘ, ખરાબ ડાયેટના કારણે થાય છે. ત્યાં જ ડાઢી પર ખીલ પેટની સમસ્યાઓ સાથે જોડાયેલા છે. માટે તેના તરફ પણ ધ્યાન આપો. 

આંખો સફેદ થવી 
એક્સપર્ટ્સ અનુસાર, જો કોઈ વ્યક્તિ સ્વસ્થ્ય છે તો તેની આંખો સફેદ દેખાય છે. પરંતુ જો તમારી આંખો પીળી દેખાય છે તો તે પિત્તાશય, યકૃત, અગન્યાશય અથવા પિત્ત નળીઓની સમસ્યાઓનો સંકેત હોઈ શકે છે. ત્યાં જ લાલ આંખો પણ ખરાબ સ્વાસ્થ્યનો સંકેત છે. 

નખનો અજીબ રંગ 
નખ જોઈને એક્સપર્ટ તમારા સ્વાસ્થ્યની જાણકારી મેળવે છે. જો તમારા હાથ અને પગના નખનો આકાર, બનાવટ અને રંગ નોર્મલ નથી તો તમારૂ સ્વાસ્થ્ય ખરાબ છે. ક્યારેક ધુમ્રપાન અને અમુક નેલ પોલિશ રંગ પણ નખના પીળા થવાનું કારણ બની શકે છે. પરંતુ એક્સપર્ટ જણાવે છે કે નખનું પીળુ થવું ખરાબ બ્લડ સર્કુલેશન અને લિક્વિડની કમીના કારણે પણ થઈ શકે છે. 

પેટમાં ગેસ 
જો કોઈના પેટમાં વારંવાર ગેસની સમસ્યા થતી હોય તો તેનું કારણ છે કે તેનું ડાયજેશન સારૂ નથી. ત્યાં જ જો કોઈ દિવસમાં 10-20 વખત ગેસ પાસ કરી રહ્યું છે તો તેને પણ તરત એક્સપર્ટને જણાવવું જોઈએ. બની શકે કે તમારા ડાયેટમાં અમુક એવા ફૂડનું સેવન કરી રહ્યા હોવ જે ગેસની સમસ્યાને વધારે. 

હંમેશા થાક લાગવો 
શરીરમાં હંમેશા થાક લાગવો પણ ગંભીર સમસ્યા હોઈ શકે છે. જો કોઈ વ્યક્તિ વધારે કેફીનનું સેવન કરે છે તો પણ હંમેશા થાક લાગી શકે છે. ત્યાં જ જો કોઈ કારણ વગર થાક લાગે તો એક્સપર્ટની સલાહ લો બની શકે છે કે તમારામાં અમુક એવા લક્ષણ હોય જેના કારણે તમને થાક લાગી રહ્યો હોય. આ સમસ્યાનું સમય પર નિદાન જરૂરી છે.