બાળકોમાં કોરાના વાઇરસનું સંક્રમણ થતા ડાયેરિયા સાથે તાવ પણ આવે છે. ચીનના બાળકોમાં આવા ઘણાં કેસ મળી આવ્યા છે. આ દાવો ચીનમાં સંશોધન કરી રહેલા બાળરોગ નિષ્ણોતોએ પોતાના રિસર્ચમાં કર્યો છે.
ચીનના સંશોધકોએ પોતાના રિસર્ચમાં દાવો કર્યો
બાળકો આવાં લક્ષણ દેખાય તો એલર્ટ થવું ખૂબ જરૂરી
ઉબકા આવવા અને ડાયેરિયા કોરોના સંક્રમણના લક્ષણ હોઈ શકે છે
ફંટિયર્સ ઇન પીડિયાટ્રિક્સ જર્નલમાં પ્રકાશિત સંશોધન મુજબ જો બાળકોમાં ઉબકા આવવા અને ડાયેરિયાનાં લક્ષણ જોવા મળે તો એલર્ટ થવાની જરૂર છે. થોડા સમય પહેલા વયસ્કોમાં આવાં જ લક્ષણો જોવા મળ્યાં હતાં. ચીનથી મળેલા આંકડાઓ મુજબ 50 ટકા કોરોના દર્દીઓમાં પેટમાં દુખાવો, ઊલટી અને ડાયેરિયા જેવાં લક્ષણો જોવા મળ્યાં છે.
રિસર્ચ વુહાનની ટોન્ગજી હોસ્પિટલમાં કરાયું હતું. બાળ રોગ વિભાગના હેડ ડો. વેનબીન લીનું કહેવું છે કે, મોટાભાગનાં બાળકો કોરોનાના ગંભીર દર્દી નથી. કેટલાક કેસો ગંભીર છે. ચીનમાં જે કેસ સામે આવી રહ્યા છે તેમાં બાળકોમાં પેટ સાથે જોડાયેલી સમસ્યાઓ સામે આવી રહી છે. જો બાળક ક્યારેક બીમાર પડ્યું હોય અને હવે તેને તાવ આવી રહ્યો હોય તો તપાસની જરૂર છે.
સંશોધકોએ કહ્યું કે, કોરોના આંતરડા સુધી પણ પહોંચી શકે છે. વુહાનની ટોન્ગજી હોસ્પિટલમાં પહોંચી રહેલા સંક્રમિત બાળકોમાં નોન રેસ્પિરેટરી લક્ષણ જોવા મળી રહ્યા છે. શ્વાસ સાથે જોડાયેલી કોઇ સમસ્યા સામે આવી રહી નથી, જોકે બાદમાં ન્યુમોનિયા થયો અને પછી કોવિડ-19ની પુષ્ટિ થઇ હતી.