ચેતી જજો! / પગમાં આવા સંકેતો દેખાય તો થઈ જજો સાવધાન! હોઈ શકે છે કેન્સર, જાણો લક્ષણો

• પગમાં આ સંકેત દેખાય તો થઈ જજો સાવધાન 
• હોઈ શકે છે પ્રોસ્ટેટ કેન્સર 
• જાણો તેના લક્ષણો વિશે 

પ્રોસ્ટેટ કેન્સર પુરુષોમાં થતા કેન્સરમાંથી એક છે. પ્રોસ્ટેટ કેન્સર જેનેટિક અને જાડાયણાના જેવા કારણો સાથે સંબંધિત છે. પ્રોસ્ટેટ કેન્સરમાં પેશાબની સમસ્યા થાય છે. પ્રોસ્ટેટ કેન્સર પુરુષોને અસર કરતી ગંભીર બીમારી છે. તે પુરુષોની પ્રોસ્ટેટ ગ્રંથિમાં થાય છે. 

જ્યારે પ્રોસ્ટેટના કોષો તેમના ડીએનએમાં ફેરફાર કરે છે ત્યારે વ્યક્તિને પ્રોસ્ટેટ કેન્સર થાય છે. પછી કોષો જે અસામાન્ય રીતે એકઠા થાય છે તે ગાંઠ બનાવે છે. જો પ્રોસ્ટેટ કેન્સર શરૂઆતના તબક્કે જ શોધી કાઢવામાં આવે તો તેનાથી સાજા થઈ શકાય છે.

પગમાં જોવા મળે છે આ સંકેત 
જણાવી દઈએ કે પ્રોસ્ટેટ કેન્સર થવા પર સામાન્ય રીતે હાડકામાં દુખાવો, વધુ પડતો થાક અને અચાનક વજન ઘટવા જેવા લક્ષણો જોવા મળે છે. આ સિવાય પગમાં પણ તેના લક્ષણ જોઈ શકાય છે. એડવાન્સ પ્રોસ્ટેટ કેન્સરના ફેલાવા દરમિયાન પગમાં ફેલાતા ટ્યુમરના ચિહ્નો દેખાઈ શકે છે. 

સોજો આવી શકે છે. કેન્સર રિસર્ચ યુકેના જણાવ્યા અનુસાર, સોજો આવે છે કારણ કે પ્રોસ્ટેટ કેન્સર લિમ્ફ નોડ્સમાં ફેલાય છે. આ સોજોને લિમ્ફોએડીમા કહેવામાં આવે છે.

આ લક્ષણોને ક્યારેય ના કરતા ઈગ્નોર 
તમને જણાવી દઈએ કે પ્રોસ્ટેટ કેન્સરમાં સામાન્ય રીતે યુરિન સંબંધિત ફરિયાદો જોવા મળે છે. જેમાં રાત્રે વારંવાર પેશાબ કરવા જવું પડે અને પેશાબ કરવામાં તકલીફ થવી જેવી સમસ્યાઓ થાય છે. આ સિવાય  યુરિનરી બ્લેડરમાં દબાણ અનુભવાય છે.

પ્રોસ્ટેટ કેન્સર કયા અંગોમાં ફેલાય છે?
નોંધપાત્ર રીતે પ્રોસ્ટેટ કેન્સર માત્ર લમ્ફિ નોડ્સ પૂરતું મર્યાદિત નથી. પ્રોસ્ટેટ કેન્સર હાડકાં, ફેફસાં અને લીવર સુધી પણ પહોંચી શકે છે. જો કે પગમાં સોજાનો અર્થ પ્રોસ્ટેટ કેન્સર હોય તે જરૂરી નથી. પગમાં સોજો આવવા માટે અન્ય ઘણા પરિબળો પણ હોઈ શકે છે.