લક્ષણો / આ તકલીફો કિડની ખરાબ થઈ રહી હોવાના પ્રાથમિક લક્ષણો છે, તરત ધ્યાન આપી બચવાના આ ઉપાય કરી લો

• કિડની આપણાં શરીરનું ખૂબ જ મહત્વનું અંગ છે
• કિડનીને સ્વસ્થ રાખવી જરૂરી છે
• આ છે કિડની ખરાબ થઈ રહી હોવાના પ્રાથમિક લક્ષણો

ઉપરાંત કિડની શરીરમાં ખૂબ જ મહત્વનાં કામ કરે છે. લોહીનું શુદ્ધિકરણ કરવામાં, શરીરમાં ખનિજ-ક્ષારોનું નિયમન કરવામાં, શરીરમાં પ્રવાહીની માત્રાનું નિયમન કરવામાં, લોહીમાં રહેલાં રક્તકણોના ઉત્પાદનમાં પણ કિડની મદદ કરે છે. પણ આજકાલ કિડનીના રોગો ખૂબ જ ઝડપથી વધી રહ્યાં છે. 

મોટા ભાગના લોકોને કિડની ડેમેજ થઈ રહી છે એની ખબર જ ખૂબ મોડી પડે છે. આવું ન થાય એ માટે કેટલાંક ખૂબ જ પ્રાથમિક લક્ષણો વિશે પહેલાં જ જાણી લેવું જરૂરી છે. તમે જાતે જ શરીરમાં થતાં કેટલાક ફેરફારને ઓળખીને તમને કિડનીની સમસ્યા થવાની શક્યતા કેટલી છે તે જાણી શકો છો.

કિડની ખરાબ થઈ રહી હોવાના કેટલાક લક્ષણો

• યૂરિનની માત્રામાં વધઘટ
• પેટમાં ગરબડ અને શ્વાસ લેવામાં તકલીફ
• શરીરમાં સોજા આવવા
• થાક લાગવો
• માથાનો દુખાવો થવો

પેશાબ વધુ થવો એ સ્વસ્થ કિડનીની નિશાની છે

સામાન્ય રીતે ઘણાં લોકો વધુ પાણી પીવે છે તેમ છતાં યૂરિન બરાબર આવતું નથી અથવા ઓછાં પ્રમાણમાં આવે છે. જે કિડનીમાં કોઈ પ્રોબ્લેમ હોવાનો સંકેત હોઈ શકે છે. તમારે એ વાત પર ધ્યાન આપવું કે તમે દિવસમાં કેટલીવાર પેશાબ માટે જાઓ છો. જો તમે 7-8વાર યૂરિન માટે જાઓ અને તમારા પેશાબનો રંગ પાણીની જેમ સાફ છે તો એનો મતલબ છે કે તમારી કિડની સ્વસ્થ છે. 

કિડનીના રોગથી બચવાનાં ઉપાય

• પૂરતા પ્રમાણમાં પ્રવાહી લેવું. રોજ 10થી 12 ગ્લાસ પાણી પીવું. મીઠું ઓછું ખાવું. 
• બ્લડશુગરને કાબૂમાં રાખવું.
• બ્લડપ્રેશર નિયમિત ચેક કરવું અને જરૂર પ્રમાણે દવા લઈને કાબૂમાં રાખવું.
• પૌષ્ટિક આહાર લેવો તથા વજન કાબૂમાં રાખો.
• નિયમિત કસરત કરવી.
• પેઇનકિલરનો ઉપયોગ ડૉક્ટરની સલાહ પ્રમાણે જ કરવો.
• ધૂમ્રપાન, તમાકુનું સેવન ન કરવું.
• તમારી કિડનીની તપાસ કરાવો. (જો ઘરમાં કોઈને કિડનીની બીમારી હોય તો)