સ્વાસ્થ્ય / તમારામાં વિટામીન ડીની ઉણપ તો નથી ને?

વિટામીન ડી ફેટ સોલ્યુબલ પ્રો-હોર્મોનનો એક સમુહ હોય છે, જે શરીરના કેલ્શિયમ, આયર્ન, મેગ્નેશિયમ, ફોસ્ફરસ અને ઝિંકને એબ્ઝોર્બ કરવામાં મદદ કરે છે. વિટામીન ડી નસો અને માંસપેશીઓ માટે જરુરી છે. આજકાલ લોકો પહેલાની સરખામણીમાં તાજી હવા અને કુમળો તડકો ઓછો લઇ શકે છે. મોટાભાગના લોકો એસીમાં રહેવાનું પસંદ કરે છે. વિટામીન ડીનો મુખ્ય સ્ત્રોત સુર્ય છે. સુરજની કિરણો ત્વચાના સંપર્કમાં આવીને વિટામીન બનાવે છે.આજકાલ તો લોકો કસરત પણ એસીમાં કરવાનું પસંદ કરે છે.

શું થાય છે વિટામીન ડીની ઉણપથી:
ગર્ભાવસ્થામાં આ વિટામીનની કમીથી બાળકને શ્વાસ લેવામાં તકલીફ પડે છે. બાળકોના માથાના હાડકા નબળા રહી જાય છે હાડકાની મજબુતાઇ માટે આ વિટામીન જરુરી છે. વિટામીન ડીની કમીથી રિકેટ્સની બીમારી થાય છે. આ એક એવી બિમારી છે જેનાથી હાડકા નરમ થઇ જાય છે અને શરીરનો શેપ બગડે છે. શરીરના કોઇ પણ હાડકામાં દુખાવો થાય છે. વ્યક્તિ ડિપ્રેસ્ડ ફીલ કરે છે અને બાકી શરીરની સરખામણીમાં માથામાંથી વધુ પરસેવો થાય છે. જરુર કરતા વધુ ઉંઘ આવવા લાગે છે. મોટા લોકોમાં આ વિટામીનની કમીથી ફ્રેક્ચર, ચાલવામાં પ્રોબલેમ અને હાડકા નરમ કે બરડ થવા જેવી સમસ્યાઓ થાય છે.

કેવી રીતે મળશે વિટામીન ડી:
વિટામીન ડી મેળવવાની સૌથી સારી પ્રાકૃતિક રીત તડકો છે. આ ઉપરાંત માછલી પણ વિટામીન ડીનો સારો સ્ત્રોત છે. આ ઉપરાંત પનીર અને ઇંડામાંથી પણ વિટામીન ડી મળે છે. શાકાહારી લોકો માટે વિટામીન ડી મેળવવાનો સૌથી સારો સ્ત્રોત મશરુમ, દુધ, સોયા મિલ્ક, બ્રોકલી અને ગાજર છે.