ઉપચાર / આખા દિવસમાં આટલીવાર યૂરિન કરો છો તો તમારી કિડની સ્વસ્થ છે, જાણો કિડનીમાં પ્રોબ્લેમ હોવાના સંકેત અને ઉપાય

• કિડની શરીરનો કચરો યૂરિન વાટે બહાર કાઢવાનું કામ કરે છે
• કિડનીમાં કોઈ પ્રોબ્લેમ હોવાનો સંકેત પહેલાં જ જાણો
• કિડની સ્વસ્થ રાખવા કરો આટલું કામ

આજકાલ કિડનીના રોગો ખૂબ જ ઝડપથી વધી રહ્યાં છે. મોટા ભાગના લોકોને કિડની ડેમેજ થઈ રહી છે એની ખબર જ ખૂબ મોડી પડે છે. આવું ન થાય એ માટે કેટલાંક ખૂબ જ પ્રાથમિક લક્ષણો વિશે પહેલાં જ જાણી લેવું જરૂરી છે. તમે જાતે જ શરીરમાં થતાં કેટલાક ફેરફારને ઓળખીને તમને કિડનીની સમસ્યા થવાની શક્યતા કેટલી છે તે જાણી શકો છો.

આ છે સ્વસ્થ કિડનીની નિશાની

સામાન્ય રીતે ઘણાં લોકો વધુ પાણી પીવે છે તેમ છતાં યૂરિન બરાબર આવતું નથી અથવા ઓછાં પ્રમાણમાં આવે છે. જે કિડનીમાં કોઈ પ્રોબ્લેમ હોવાનો સંકેત હોઈ શકે છે. તમારે એ વાત પર ધ્યાન આપવું કે તમે દિવસમાં કેટલીવાર પેશાબ માટે જાઓ છો. જો તમે 7-8વાર યૂરિન માટે જાઓ અને તમારા પેશાબનો રંગ પાણીની જેમ સાફ છે તો એનો મતલબ છે કે તમારી કિડની સ્વસ્થ છે. 

કિડની ખરાબ થઈ રહી હોવાના પ્રાથમિક લક્ષણો

• યૂરિનની માત્રામાં વધઘટ
• પેટમાં ગરબડ અને શ્વાસ લેવામાં તકલીફ
• શરીરમાં સોજા આવવા
• થાક લાગવો
• માથાનો દુખાવો થવો

કિડનીના રોગથી બચવાના ઉપાય

• પૂરતા પ્રમાણમાં પ્રવાહી લેવું. રોજ 10થી 12 ગ્લાસ પાણી પીવું. મીઠું ઓછું ખાવું. 
• બ્લડશુગરને કાબૂમાં રાખવું.
• બ્લડપ્રેશર નિયમિત ચેક કરવું અને જરૂર પ્રમાણે દવા લઈને કાબૂમાં રાખવું.
• પૌષ્ટિક આહાર લેવો તથા વજન કાબૂમાં રાખો. નિયમિત કસરત કરવી.
• પેઇનકિલરનો ઉપયોગ ડૉક્ટરની સલાહ પ્રમાણે જ કરવો.
• ધૂમ્રપાન, તમાકુનું સેવન ન કરવું.
• તમારી કિડનીની તપાસ કરાવો. (જો ઘરમાં કોઈને કિડનીની બીમારી હોય તો)