VIDEO:હાઇએલર્ટ:કચ્છમાં સેટેલાઇટ ફોનના સિગ્નલ ટ્રેસ થતાં તપાસ એજન્સી હરકતમાં

કચ્છ:ઉત્તર પ્રદેશના મથુરામાંથી શંકાસ્પદ આતંકી બિલાલ અહમદવાની ઝડપાયા બાદ ગુજરાતમાં પણ એલર્ટ જાહેર કરી દેવાયું છે.ત્યારે કચ્છમાં પ્રતિબંધિત થુરાયા સેટેલાઈટ ફોનના સિગ્નલ ટ્રેસ થયા છે.લખપત નજીક સેટેલાઈટ ફોનના સિગ્નલ ટ્રેસ થયા છે.

આંતરરાષ્ટ્રીય સીમાની 250 મીટર અંદર વાતચીત ટ્રેસ થતાં વિવિધ સુરક્ષા એજન્સીઓ પણ તપાસ હાથ ધરી છે.તો 26મી જાન્યુઆરીને પગલે ગુજરાતમાં એલર્ટ જાહેર કરી દેવાયું છે.ધાર્મિક સ્થળ જાહેર સ્થળોએ સુરક્ષા વધારાઈ છે.તો એરપોર્ટ બસ સ્ટેન્ડ અને રેલવે સ્ટેશન સહિતના ભીડભાડ વાળા વિસ્તારો પર ચુસ્ત બંદોબસ્ત ગોઠવી દેવાયું છે.

ઉલ્લેખનીય છે કે ભારતનો પ્રજાસત્તાક દિવસ નજીક આવી રહ્યો છે ત્યારે આજે સવારે જ હજૂ શતાબ્દી ટ્રેનમાંથી એક આંતકી પકડાયો હતો અને હજૂ બીજા 2 આંતકીઓ ફરાર હોવાનો બનાવ આંખ સામે છે ત્યારે ગુજરાતના કચ્છમાંથી પ્રતિબંધીત સેટેલાઇટ ફોનના કિરણો પકડાતાં તપાસ એજન્સીઓ દોડતી થઇ હતી.