તાલાલાના માધુપુરમાં ‘વસુધૈવ કુંટુંબકમ્’ની ભાવના સાથે તૈયાર કરવામાં આવેલાં મતદાન મથક પર આફ્રિકાથી આવીને વસેલા સીદી સમુદાયના મતદારોએ મતાધિકારનો ઉપયોગ કર્યો
સીદી મતદારોએ કર્યુ મતદાન
આફ્રીકાથી આવીને વસ્યા છે સીદી મતદારો
પરંપરાગત વેશભૂષામાં સજ્જ થઇ કર્યું મતદાન
ગુજરાત વિધાનસભાની 182 બેઠકોમાંથી 89 બેઠકો પર પ્રથમ તબક્કાનું મતદાન ચાલી રહ્યું છે. તેવામાં આજે મતદારોએ અનેક સંદેશા સાથે લોકોને મતદાન કરવા અપીલ કરી હતી. આજે નેતાઓની સાથે સાથે સામાન્ય વ્યક્તિ પણ અનોખી રીતે મતદાન મથકે પહોંચ્યા હતા. ખેડૂતો બળદ ગાડામાં સાથે તો ક્યાંક મતદાર ઘોડા પર સવાર થઈ મતદાન મથકે પહોચ્યા હતા. ગીર સોમનાથના તલાલામાં સીદી મતદારો પરંપરાગત વેશભૂષામાં સજ્જ થઇ મતદાન મથકે પહોંચ્યા હતાં.
સીદી મતદારોએ કર્યુ મતદાન
ગીર સોમનાથ જિલ્લાના 91-તાલાલા વિધાનસભા મતવિસ્તારના માધુપુરમાં મતદાન મથક ખાતે અનોખા અંદાજમાં મતદાન થયું છે. ‘વસુધૈવ કુંટુંબકમ્’ ની ભાવના સાથે તૈયાર કરવામાં આવેલાં મતદાન મથક પર આફ્રિકાથી આવીને વસેલા સીદી સમુદાયના મતદારોએ પરંપરાગત વેશભૂષામાં સજ્જ થઈ પોતાના મતાધિકારનો ઉપયોગ કર્યો હતો. જિલ્લા ચૂંટણી અધિકારી અને કલેક્ટરના માર્ગદર્શનથી માધુપુરમાં ઉભા કરાયેલા ‘વસુધૈવ કુટુમ્બકમ’ મતદાન મથક ખાતે સીદી સમુદાયના મતદારોએ પરંપરાગત વેશભૂષામાં મતદાન કર્યું હતું. લોકશાહીના મહાપર્વમાં સર્વ પોતાનું મતદાનનું યોગદાન આપે તેવા હેતુથી તૈયાર કરાયેલું આ વિશિષ્ટ મતદાન મથક આફ્રિકાથી આવીને વસેલા સીદી સમુદાયની સંસ્કૃતિ દર્શાવતું ‘વસુધૈવ કુટુંબકમ્’ મતદાન મથક તૈયાર કરવામાં આવ્યું છે.
આ વિશિષ્ટ મતદાન મથક
માધુપુરમાં મતદાન મથકમાં એક મંડપમાં સીદી સમાજને લગતા વાદ્યો, તેમની સંસ્કૃતિ સાથે જોડાયેલા ચિહ્નો અને વસ્તુઓ સજાવવામાં આવી છે જેથી અન્ય મતદારો પણ સીદી સમાજના જૂના અને ભવ્ય ભૂતકાળની ઝલક જોઈ શકે અને મતદાન કરી પોતાનું યોગદાન આપી શકે છે. ‘વસુધૈવ કુટુમ્બકમ’ ની ભાવનાને ઉજાગર કરતું માધુપુર-જાંબુરનું મતદાન મથક આકર્ષકનું કેન્દ્ર બન્યું હતું.
બળદ ગાડામાં મતદાન કરવા પહોંચ્યા ખેડૂત
લોકશાહીના પર્વને ઉજવવામાં ખેડૂતોમાં થનગનાટ જોવા મળ્યો છે. અમરેલી-સાવરકુંડલાના આંબરડી ખાતે આજે ખેડૂતો બળદ ગાડામાં મતદાન કરવા નીકળ્યા હતા બળદ ગાડામાં ખેડૂતો જય જવાન જય કિસાન ના નારા ઓ નાખતા મતદાન મથકે પહોંચ્યા હતા. વિગતો મુજબ ખેડૂત નેતા મહેશ ચોડવડીયા સહપરિવાર બળદ ગાડામાં મતદાન મથકે પહોંચ્યા હતા. જ્યાં મતદાન મથકની બહાર બળદ ગાડું છોડીને ખેડૂતો મતદાન કરવા પહોંચ્યા હતા.