મુંબઈના બેટર સરફરાજ ખાન રણજી ટ્રોફીમાં ધમાકેદાર ફોર્મમાં છે. મધ્ય પ્રદેશ સામે રમાયેલ ફાઈનલ મુકાબલામાં આ ખેલાડીએ આ સિઝનની ચોથી સદી ફટકારી છે. સદી ફટકાર્યા બાદ સરફરાજ ઘણા ઈમોશનલ થયા હતા અને રડી પડ્યા હતા.
મધ્ય પ્રદેશ સામેની ફાઈનલ મેચમાં સરફરાજ ખાને ફટકારી સદી
સદી ફટકાર્યા બાદ સરફરાજ ઘણા ઈમોશનલ થયા
પંજાબી ગાયક સિદ્ધૂ મૂસેવાલાના સિગ્નેચર સ્ટેપ કરી શ્રદ્ધાંજલિ આપી
સરફરાજ ખાને ચોથી સદી ફટકારી
આ સાથે તેમણે હાલમાં દુનિયાને અલવિદા કહી ચૂકેલા પંજાબી ગાયક સિદ્ધૂ મૂસેવાલાના સિગ્નેચર સ્ટેપ કરી તેમને શ્રદ્ધાંજલિ પણ આપી. આ દરમ્યાન તેઓ ખૂબ ભાવુક થયા હતા. જેનો વીડિયો સોશિયલ મીડિયામાં વાયરલ થયો છે. મેચમાં સરફરાજે 243 બોલમાં 134 રન લીધા. આ દરમ્યાન તેણે 13 ચોગ્ગા અને 2 છગ્ગા ફટકાર્યા. મુંબઈની આખી ઈનિંગ 374 રન પર સમેટાઈ ગઇ. સરફરાજ સિવાય યશસ્વી જયસ્વાલે 78 અને પૃથ્વી શૉએ 47 રનનુ યોગદાન આપ્યું.
રણજી ટ્રોફીની પહેલાની સિઝનમાં સરફરાજે 9 ઈનિંગમાં 928 રન બનાવ્યાં હતા. તો આ સિઝન 133.85ની સરેરાશથી 937 રન બનાવી ચૂક્યા છે. ઓછામાં ઓછા 2000 ફર્સ્ટ ક્લાસ રન બનાવનારા બેટ્સમેનોમાં તેની સરેરાશ 82ની છે. તેની આગળ માત્ર ડૉન બ્રેડમેન છે. ફાઈનલ પહેલા સરફરાજ ખાને 275, 63, 48, 165, 153, 40, 59નો સ્કોર કર્યો હતો. ગુરૂવારે મુંબઈએ પોતાની ઈનિંગને 248-5થી આગળ વધારી અને સ્કોરમાં 126 રન જોડ્યા અને 5 વિકેટ પણ ગુમાવી.