પંજાબી ગાયક સિદ્ધુ મૂસેવાલા હત્યાકાંડમાં પંજાબની પોલીસે દહેરાદૂનથી છ લોકોની પૂછપરછ માટે ધરપકડ કરી છે.
પંજાબી ગાયકના હત્યાકેસમાં પોલીસ એક્શનમાં આવી
ઉત્તરાખંડમાંથી 6 લોકોને દબોચી લીધા
તમામ સાથે થશે પૂછપરછ
પંજાબી ગાયક સિદ્ધુ મૂસેવાલા હત્યાકાંડમાં પંજાબની પોલીસે દહેરાદૂનથી છ લોકોની પૂછપરછ માટે ધરપકડ કરી છે. તમામની અટકાયત કરી પોલીસ પંજાબ માટે રવાના થઈ ગઈ છે. કહેવાય છે કે, ધરપકડ કરાયેલા લોકોમાંથી એક લોરેન્સ બિશ્નોઈ ગેંગનો સભ્ય પણ છે.
પ્રાપ્ત વિગતો અનુસાર, જોઈએ તો, રવિવારે સાંજે મૂસેવાલાની હત્યા બાદથી પંજાબ પોલીસ આરોપીની શોધખોળમાં લાગી ગઈ હતી. સોમવારે દહેરાદૂનના નવા ગામ ચોકડી પાસે પંજાબ પોલીસે ઉત્તરાખંડ એસટીએફની મદદથી છ લોકોની પકડી પાડ્યા હતા. પંજાબ પોલીસને શક છે કે, તેમાંથી એક મૂસેવાલાની હત્યામાં સામેલ છે.
In a joint op with STF Punjab & Uttarakhand, Punjab Police detains 6 people from Dehradun's Peliyon Police Chowki area in connection with Punjabi singer Sidhu Moose Wala's murder: STF sources pic.twitter.com/Nrx7f4BbKX
સિદ્ધુ મૂસેવાલાનું પોસ્ટમોર્ટમ થોડી વારમાં માનસા સિવિલ હોસ્પિટલમાં કરવામાં આવશે. પોસ્ટમોર્ટમ કર્યા બાદ મુસેવાલાના પરિજનો રાજી થઈ ગયા હતા. કહેવાય છે કે, પરિજનો પણ હોસ્પિટલમાં પહોંચ્યા છે. આ અગાઉ મૂસેવાલાના પરિજનોએ પોસ્ટમોર્ટમ કરાવાની ના પાડી દીધી હતી.
ઢાબાના સીસીટીવી ફુટેજ ખંગાળી રહી છે પોલીસ
સિદ્ધુ મૂસેવાલા હત્યાકાંડની તપાસ કરી રહેલી પોલીસ મનસાના કૈંચિયા વિસ્તારમાં મનસુખ વૈષ્ણો ઢાબા પર પહોંચી હતી. ઢાબામાં લાગેલા સીસીટીવી કેમેરા ખંગાળી રહી છે. સીસીટીવીમાં 29 મેના રોજ અમુક છોકરાઓ ખાવાનું ખાતા દેખાઈ રહ્યા છે. પંજાબ પોલીસ સીસીટીવી ફુટેજ સાથે લઈ ગઈ છે. પોલીસને શંકા છે કે, હુમલાખોરો આ જ ઢાબા પર ખાવા માટે રોકાયા હોઈ શકે છે. જો કે, આ ફુટેજમાં ખાવાનું ખાઈ રહેલા છોકરાઓ જ હત્યારા છે, કે નહીં તેની તપાસ બાદ ખબર પડશે.