ચકચાર / હવે નંબર બાપુનો...સિદ્ધુ મૂસેવાલાના પિતાને મળી ધમકી, પાકિસ્તાન કનેક્શન ખુલતા મચ્યો હડકંપ

• સિદ્ધૂ મૂસેવાલાના પિતાને મળી ધમકી
• લખ્યું- આગામી નંબર બાપુનો
• પાકિસ્તાન કનેક્શન ખુલતા હડકંપ 

આ ધમકી સિદ્ધુ મુસેવાલાના પિતાને એક પોસ્ટ દ્વારા આપવામાં આવી છે. એ ધમકીમાં લખેલું છે – હવે નંબર બાપુનો. સિદ્ધુ મુસેવાલાના પિતાના જણાવ્યા અનુસાર, ગાયકના કેટલાક મિત્રોએ તેમને કહ્યું કે પાકિસ્તાન તરફથી ઈન્સ્ટાગ્રામ પર એક પોસ્ટ કરવામાં આવી છે. આ જ પોસ્ટમાં આ ધમકી આપવામાં આવી છે.

શું લખાયું ધમકીમાં ?

ઇન્સ્ટાગ્રામ પર આપવામાં આવેલી ધમકી  લખ્યું છે... આગામી નંબર બાપુનો છે. મુસેવાલાના પિતાએ આ ધમકી અંગે પોલીસને જાણ કરી છે અને સમગ્ર મામલે વધુ તપાસ આદરી છે. ઉલ્લેખનીય છે કે, આ સમગ્ર મામલે પાકિસ્તાની કનેક્શન ખુલવું એ ખૂબ જ બહુ મોટી વાત છે. અગાઉ જે પણ તપાસ કરવામાં આવી છે તેમાં આ કેસ માત્ર ગેંગસ્ટર ગોલ્ડી બરાર અને લોરેન્સ બિશ્નોઈ પૂરતો જ સીમિત રહ્યો છે. પરંતુ હવે જો સિદ્ધુ મુસેવાલાના પિતાને પાકિસ્તાન તરફથી જાનથી મારી નાખવાની ધમકી મળે છે તો પોલીસ માટે આ મામલો વધુ પેચીદો બની શકે છે.

મૂસેવાલા હત્યા કેસમાં આવ્યો નાટકીય વણાંક આવ્યો 

ઉલ્લેખનીય છે કે, મુસેવાલા હત્યા કેસમાં નાટકીય વળાંક આવ્યો જ્યારે પંજાબ પોલીસે અટારીના ઍક એન્કાઉન્ટરમાં સિંગરના બંને હત્યારાઓને ઠાર કર્યા. ગેંગસ્ટર જગરૂપ સિંહ રૂપા અને મનપ્રીત સિંહ પન્નુ પોલીસ એન્કાઉન્ટરમાં માર્યા ગયા હતા. તે એન્કાઉન્ટર પછી, મૃતકોની ઓળખ કરવા માટે 2 પ્રત્યક્ષદર્શીઓને અટારી બોલાવવામાં આવ્યા હતા. આ બંને પ્રત્યક્ષદર્શી એ જ હતા જેઓ ઘટના સમયે સિદ્ધુ સાથે THAR કારમાં બેઠા હતા. બંને પ્રત્યક્ષદર્શીઓને શૂટરનો મૃતદેહ બતાવવામાં આવ્યો હતો અને મૃતકોની ઓળખ થઈ હતી.

કોણ હતો જગરૂપસિંહ રૂપા?

અત્રે એ પણ જાણવું જરૂરી છે કે જગરૂપસિંહ રૂપા એક જુનો ગુનેગાર છે. એન્કાઉન્ટર બાદ પોલીસે તેની સંપૂર્ણ કુંડળી કાઢી લીધી છે. જણાવવામાં આવ્યું છે કે જગરૂપ રૂપા વિરુદ્ધ કુલ 9 FIR નોંધવામાં આવી છે. ચોરીના આ 7 કેસમાં આર્મ્સ એક્ટ હેઠળ પણ કેસ નોંધવામાં આવ્યો છે. આ પહેલા પણ મુસેવાલા હત્યા કેસની તપાસ દરમિયાન પોલીસે ઘણા મોટા ગુનેગારોની ધરપકડ કરી છે.

મૂસેવાલાના પિતાને કોણે ધમકી આપી તે હજુ સ્પષ્ટ નથી 

પરંતુ સિંગરના પિતાને કોણે ધમકી આપી છે તે હજુ સ્પષ્ટ થયું નથી. મુસેવાલાના મિત્રો ચોક્કસપણે આ ધમકીનું પાકિસ્તાન કનેક્શન કહી રહ્યા છે, પરંતુ પોલીસે આ અંગે વધુ ખુલીને વાત કરી નથી. હાલ તપાસ ચાલી રહી છે, ત્યારબાદ જ કંઈક સ્પષ્ટ થશે.