પંજાબી સિંગર સિદ્ધુ મૂસેવાલાની હત્યા તેમના પિતાએ પોતાની આંખોથી જોઈ હતી. જાણો તેમના પિતા શું કહે છે.
પંજાબી સિંગર સિદ્ધૂ મૂસેવાલાની હત્યા
પિતાએ નજર સામે જોઈ દીકરાની હત્યા
પોલીસને ગેંગવોરની શંકા
સિદ્ધુ મૂસેવાલાની રવિવારે ગોળી મારીને હત્યા થઈ
પંજાબના ગાયક સિદ્ધુ મૂસેવાલાની રવિવારે ગોળી મારીને હત્યા કરવામાં આવી હતી. માણસાના જવાહર ગામ પાસે મૂસેવાલા પર ફાયરિંગ થયું હતું. આ ઘટના બાદ મૂસેવાલાને ગંભીર હાલતમાં માણસાની હોસ્પિટલમાં દાખલ કરવામાં આવ્યા હતા જ્યાં સારવાર દરમિયાન તેમનું મોત નિપજ્યું હતું. આ ઘટનામાં મૂસેવાલા સાથે રહેલા અન્ય બે લોકો ઘાયલ હોવાનું કહેવાય છે.જણાવવામાં આવી રહ્યું છે કે મૂસેવાલાને ગુંડાઓ તરફથી ધમકીઓ મળી હતી. આમ છતાં પંજાબની આમ આદમી પાર્ટીની સરકારે કાયદો અને વ્યવસ્થાનો હવાલો આપીને એક દિવસ પહેલા મુસેવાલા સહિત 424 વીઆઇપીની સુરક્ષા પાછી ખેંચી લીધી હતી. મૂસેવાલાએ પંજાબ વિધાનસભાની ચૂંટણીમાં કોંગ્રેસની ટિકિટ પર આમ આદમી પાર્ટીના વિજય સિંગલા સામે પણ ચૂંટણી લડી હતી. વિજય સિંગલાએ માણસા બેઠક પરથી મુસેવાલાને 63,323 મતોથી હરાવ્યા હતા.
મૂસેવાલાના પિતા બલકૌર સિંહનું કહેવું છે કે તેમના પુત્રને ગેંગસ્ટર લોરેન્સ બિશ્નોઈની ગેંગ દ્વારા ઘણા સમયથી ધમકીઓ આપવામાં આવી રહી હતી અને ખંડણીની માંગ કરવામાં આવી રહી હતી. મૂસાવાલાને ખંડણી માટે અનેક ધમકીભર્યા ફોન આવ્યા હતા. તેણે કહ્યું, "ધમકીઓના કારણે જ પરિવારે બુલેટપ્રૂફ ફોર્ચ્યુનર કાર ખરીદી હતી. પરંતુ રવિવારે તેમનો દીકરો તેના બે મિત્રો (ગુરવિન્દર સિંહ અને ગુરપ્રીત સિંહ) સાથે થાર કારમાં ઘરેથી નીકળ્યો હતો.
Punjab | Two cars intercepted Sidhu Moose Wala's car which followed heavy firing in which Sidhu Moose Wala received multiple bullet injuries. Persons present with him also got bullet injuries and they have been referred to Patiala for further treatment:Gaurav Toora, SSP, Mansa pic.twitter.com/s0DPLs0q93
પિતા બોલ્યા - દીકરાની ગાડીની પાછળથી જ હું આવી રહ્યો હતો
બલકૌર સિંહે કહ્યું, "હું તેમની (સિદ્ધુ) સરકારી ગનમેન સાથે બીજા વાહનમાં તેની પાછળ ગયો. રસ્તામાં, મેં એક કોરોલા કારને મારા દીકરાનો પીછો કરતા જોઈ. તેમાં ચાર લોકો હતા. મારા પુત્રની થાર જ્યારે ફિરની નજીક પહોંચી, તો ત્યાં એક સફેદ રંગની બુલેરો ગાડી પહેલાથી જ રાહ જોઈ રહી હતી. તેમાં ચાર લોકો બેસેલા હતા.
Punjab | Preliminary investigation shows it to be an inter-gang rivalry. Sidhu Moose Wala didn't take his bulletproof car and gunman today. FIR is being registered. We will take immediate action against the gangster and persons involved: Gaurav Toora, SSP, Mansa pic.twitter.com/0GLtKGrbRl
સિદ્ધૂનાં પિતાએ જણાવ્યું કે જેવી તેમના દીકરાની થાર તે બુલેરો ગાડીની સામે પહોંચી, તો ચાર બદમાશોએ તેના પર અંધાધુંધ ફાયરિંગ શરુ કરી દીધી. થોડા સમય સુધી ગોળીબાર ચાલતો રહ્યો અને પછી બદમાશો બુલેરો તથા કોરોલા ગાડી લઇ ફરાર થઇ ગયા. જેવો હું સ્થળ પર પહોંચ્યો, તો અવાજો કરવાનાં શરુ કરી દીધા. મેં આસપાસના લોકોને બોલાવ્યા અને પછી મારા દીકરા તથા બંને મિત્રોને હોસ્પિટલ લઇ ગયો.
Lawrence Bishnoi gang is involved in this murder. Lucky, member of the gang has taken responsibility from Canada. He had 4 commandos from Punjab Police out of which 2 was taken back but he was having two commandos which Moose Wala didn't take along with him today: DGP Punjab pic.twitter.com/aieqEwnQ0N
17 જૂન, 1993ના રોજ જન્મેલા શુભદીપ સિંહ સિદ્ધુ ઉર્ફે સિદ્ધુ મૂસેવાલા મનસા જિલ્લાના મુસા વાલા ગામના રહેવાસી હતા. મૂસેવાલાની ફેન ફોલોઇંગ લાખોમાં છે અને તે તેના ગેંગસ્ટર રેપ માટે લોકપ્રિય હતો. સિદ્ધુ મૂસેવાલાની માતા ગામની સરપંચ હતી. તેમણે ઇલેક્ટ્રિકલ એન્જિનિયરિંગની ડિગ્રી મેળવી હતી. તેમણે કોલેજના દિવસોમાં સંગીત શીખ્યું અને બાદમાં કેનેડા ચાલ્યા ગયા. મૂસેવાલાને સૌથી વિવાદાસ્પદ પંજાબી ગાયકોમાંના એક તરીકે પણ ઓળખવામાં આવે છે, જેમણે ખુલ્લેઆમ બંદૂક કલ્ચરને પ્રોત્સાહન આપ્યું હતું, ઉશ્કેરણીજનક ગીતોમાં ગુંડાઓનો મહિમા વધાર્યો હતો. સપ્ટેમ્બર 2019માં રિલીઝ થયેલું તેમનું ગીત 'જટ્ટી જિયોને મોર્ડ દી ગન વર્ગી' એ 18મી સદીના શીખ યોદ્ધા માઇ ભાગોના સંદર્ભમાં વિવાદ ઉભો કર્યો હતો. તેમના પર આ શીખ યોદ્ધાની છબી ખરાબ કરવાનો આરોપ હતો. જો કે બાદમાં મુસેવાલાએ માફી માંગી હતી.