ધરપકડ / સિદ્ધુ મુસેવાલા હત્યા કેસમાં પોલીસને મોટી સફળતા, સૌથી નજીકથી ગોળી મારનાર શૂટર અંકિત સિરસા ઝડપાયો

• પંજાબી સિંગર સિદ્ધૂ મૂસેવાલાને ગોળી મારનારા શૂટરની થઈ ધરપકડ
• દિલ્હી પોલીસના સ્પેશિયલ સેલે કરી ધરપકડ
• પોલીસે આરોપીઓ પાસેથી આ વસ્તુઓ જપ્ત કરી

દિલ્હી પોલીસને મળી વધુ એક સફળતા

દિલ્હી પોલીસને સિદ્ધૂ મૂસેવાલાની હત્યામાં વધુ એક સફળતા મળી છે. પોલીસે શૂટઆઉટમાં સામેલ અંકિત અને તેના સાથી સચિન ભિવાનીની ધરપકડ કરી છે. આ બંને લોરેન્સ બિશ્નોઈ અને ગોલ્ડી બરારની ગેંગમાં કામ કરતા હતા. પોલીસે તેની પાસેથી પંજાબ પોલીસની ત્રણ વર્દી સિવાય એક 9mm ની પિસ્તોલ, એક 3mm ની પિસ્તોલ અને ડોન્ગલની સાથે બે મોબાઈલ સેટ જપ્ત કર્યા છે. 

સિદ્ધૂ મૂસેવાલાના હત્યારાઓને પકડ્યા

પોલીસ મુજબ, અંકિત સિરસાએ નજીકથી સિદ્ધૂ મૂસેવાલા પર ગોળી ચલાવી હતી. પ્રિયવ્રત ફોજીની સાથે અંકિત તેની કારમાં હતો. શરૂઆતમાં અંકિત અને ફોજી બંને એકસાથે ભાગ્યા હતા. પોલીસે પ્રિયવ્રતની પહેલા જ ધરપકડ કરી હતી. જ્યારે અન્ય આરોપી સચિન ભિવાની સિદ્ધૂ મૂસેવાલા મામલે ચાર શૂટરોને આશ્રય આપવા માટે જવાબદાર હતો. પોલીસે  જણાવ્યું કે સચિન ભિવાની રાજસ્થાનમાં લોરેન્સ બિશ્નોઈ ગેંગનુ આખુ કામ સંભાળતો હતો. 

બધા શૂટર્સ લોરેન્સ બિશ્નોઈના નજીકના છે

પોલીસે આ બંનેની ત્રણ જુલાઈની રાત્રે 11 વાગ્યેને પાંચ મિનિટે કાશ્મીરી ગેટ પાસે મહાત્મા ગાંધી માર્ગથી ધરપકડ કરી. જેની પાસે સેડો પિસ્તોલ સિવાય પંજાબ પોલીસની ત્રણ વર્દી પણ  જપ્ત કરવામાં આવી છે. તો પોલીસે આ મર્ડર કેસમાં સંડોવાયેલા ડઝન આરોપીઓને અત્યાર સુધી હિરાસતમાં લઇ ચૂકી છે. સૂત્રો મુજબ બધા શૂટર્સ લોરેન્સ બિશ્નોઈના નજીકના છે. તેની ધરપકડ માટે દિલ્હી, પંજાબ, હરિયાણા અને રાજસ્થાનમાં પોલીસની રેડ ચાલુ છે.