શબ્દ પર સખત પકડ ધરાવતા નવજોત સિંહ સિદ્ધુ પાકિસ્તાનમાં પોતાના પર જ કાબૂ ન રાખી શખ્યા. પાકિસ્તાનની જમીન હતી પાકિસ્તાનના નવ નિયુક્ત પ્રધાનમંત્રીનો શપથ સમારોહ હતો પરંતુ નવજોત સિંહ સિદ્ધુનો પાડોશી પ્રેમ એટલી હદે ઉછાળા માર્યો કે પાકિસ્તાનના આર્મી ચીફને જ ગળે મળી લીધું.
ભાઇચારો એકતા સંબંધોના નવા ઉદયની વાતો કરતા કરતા સિદ્ધુ ભૂલી ગયા કે આ એજ સેનાના વડા છે જેના ઇશારે પાકિસ્તાનની સેના ભારતના જવાનો પર છાશવારે ફાયરિંગ કરે છે ગ્રેનેડ ફેંકે છે.
મહત્વની વાત છે કે આતંકીઓને પણ આ જ પાકિસ્તાનની સેના મદદ કરે છે મિત્ર ઇમરાન ખાનના પ્રધાનમંત્રી બનાવાથી ભાવ વિભોર થયેલા સિદ્ધુ શહિદોની પત્નીના માથેથી ભૂસાયેલા સિંદુરને પણ ભૂલી ગયા શહીદ પુત્રના ગમમાં ડુબેલા હજારો માતા-પિતાને ભૂલી ગયા પિતાના પ્રેમનો છાયડો ગુમાવી બેસેલા બાળકોના રડતા ચહેરાને પણ સિદ્ધુ ભૂલી જ ગયા. આ એજ પાકિસ્તાન છે જેણે કુલભૂષણ જાધવની માતા અને પત્નીના મંગળસૂત્ર પર શંકા કરી અને પગની જૂતી પણ લઇ લીધી હતી.
કોંગ્રેસના નેતા અને પંજાબ સરકારના મંત્રી નવજોત સિંહ સિદ્ધુ ભારત પાકિસ્તાન વચ્ચે શાંતિની જ્યોત પ્રગટાવવાની આશા રાખે છે. આશા અમર છે અને આખો ભારત દેશ પણ આશા રાખશે જ કે પાકિસ્તાનના પ્રધાનમંત્રી બનીને ઇમરાન ખાન ભાઇચારાની પહેલ કરશે.
સિદ્ધુ જો શાંતિના સંદેશની વાત કરતા હોય તો ઇમરાન ખાન સાથે બેઠક કરવી જોઇએ. ઇમરાન ખાનના શપથ સમારોહમાં નવજોત સિદ્ધુને પીઓકેના કહેવાતા રાષ્ટ્રપતિ મસૂદ ખાન પાસે બેસાડવામાં આવ્યા. એટલે પાકિસ્તાનની નિયમ બેઠક વ્યવસ્થાથી જ સાફ થઇ જાય છે.