દેશભરમાં જનતા કફર્યૂની અસર જોવા મળી રહી છે. જે રોડ દિવસ દરમિયાન ધમધમતા જોવા મળે છે, ત્યાં કંઇ જ જોવા નથી મળી રહ્યુ. લોકો ઘરમાં રહીને પરિવારની સાથે સમય વીતાવી રહ્યા છે.
કેટલાક બોલિવુડ સેલેબ્સ પર લોકોને જનતા કફર્યૂનું પાલન કરવાની અપીલ કરી છે, પરંતુ બિગ બીસ 13 વિનર સિદ્ઘાર્થ શુક્લાની ઇન્સ્ટાગ્રામ સ્ટોરથી દરેક વ્યકિત હેરાન રહી ગઇ.
જ્યારે આખો દેશ કોરોનાના પ્રકોપથી પરેશાન છે, ત્યારે દરેક પોતાને સેલ્ફ ક્વોન્ટરીનમાં રાખવાનો પ્રયાસ કરી રહ્યા છે. આવા સમયમાં સિદ્ઘાર્થ શુક્લાએ પાર્ટી માટે ઇન્વાઇટ કર્યા છે. આ પાર્ટીનું ઇન્વિટેશન પોતાની ઇન્સ્ટાગ્રામ સ્ટોરી પર શૅર કર્યુ છે.
જો કે સિદ્ઘાર્થ શુક્લાએ આ લોક ડાઉનની સ્થિતિમાં કોઇ ગેટ ટૂ ગેધર જેવી પાર્ટી માટે ઇન્વિટેશન નથી આપ્યુ, પરંતુ અલગ અંદાજમાં બધાને ઘરે રહેવાની અપીલ કરી રહ્યો છે. સિદ્ઘાર્થ બધાને કહી રહ્યો છે કે, ''બધા ઘરમાં જ રહેજો અને જનતા કફર્યૂનું પાલન કરજો. તમારા બધાનું પાર્ટીમાં સ્વાગત છે, વેન્યૂ તમારું પોતાનું ઘર જ છે. સવારે 7 થી રાત્રે 9 વાગ્યા સુધી.'' સિદ્ઘાર્થની અપીલ કરવાની સ્ટાઇલ ખરેખર બધાનું દિલ જીતી રહી છે.
22 માર્ચ એટલે કે આજે પ્રધાનમંત્રી નરેન્દ્ર મોદીએ સવારે 7 વાગ્યાથી સાંજે 9 વાગ્યા સુધી જનતા કર્ફ્યુનું એલાન કર્યું છે. ઉપરાંત સાંજે 5 વાગ્યે ઘરના દરવાજા પાસે કે બારી પાસે કે અગાસી પર આવીને જીવના જોખમે વિવિધ સેવાઓ પૂરી પાડનાર દરેક નિઃસ્વાર્થ કાર્યકરોનો આભાર માનવા પણ કહ્યું છે. તાળી પાડી કે થાળી વગાડી તેમનો આભાર માનવા કહ્યું છે.