બિગ બોસ 13ના વિજેતા રહેલા સિદ્ધાર્થ શુક્લાનું ગુરૂવારે 40 વર્ષની ઉંમરે હાર્ટ એટેકથી નિધન થયુ છે. સિદ્ધાર્થ શુક્લાની મોતથી દરેક લોકો હેરાન છે અને આ દરમ્યાન સિદ્ધાર્થની ઈન્સ્ટાગ્રામની અંતિમ પોસ્ટ ઝડપથી વાયરલ થઈ રહી છે.
વાયરલ થયેલી આ પોસ્ટમાં સિદ્ધાર્થ શુક્લાએ પોતાની એક ફોટો શેર કરી ફ્રન્ટલાઈન કામદારોનો આભાર માન્યો હતો. સિદ્ધાર્થ શુક્લાએ ઈન્સ્ટાગ્રામ પર 24 ઓગષ્ટે તસ્વીર શેર કરતા લખ્યુ હતુ, દરેક ફ્રન્ટલાઈન કામદારોને હૃદયપૂર્વક અભિનંદન. તમે તમારા જીવનને મુશ્કેલીમાં મુકીને અમર્યાદિત કામ કરો છો અને એવા દર્દીઓને આરામ આપો છો. જે પોતાના પરિવાર સાથે રહેતા નથી. તમે હકીકતમાં જાંબાઝ શ્રમજીવી છો. ફ્રન્ટલાઈનમાં રહેવુ સરળ નથી. પરંતુ હકીકતમાં અમે તમારા સારા પ્રયાસોના વખાણ કરીએ છીએ. #MumbaiDiariesOnPrime આ સુપર હીરો માટે સફેદ ટોપી, નર્સિગ સ્ટાફ અને અમર્યાદિત બલિદાનો માટે એક શ્રદ્ધાંજલિ છે. 25 ઓગષ્ટે ટ્રેલર આઉટ.#TheHeroesWeOwe.'
ટ્વિટર પર સિદ્ધાર્થ શુક્લાએ છેલ્લી વખત પેરાલિમ્પિકમાં ભારતીય ખેલાડીઓના પ્રદર્શન પર વખાણ કર્યા હતા. 30 ઓગષ્ટે સિદ્ધાર્થે લખ્યુ હતું, ભારતીયો આપણને વારંવાર ગૌરવ વધારી રહ્યાં છે. પેરાલિમ્પિકમાં ગોલ્ડ સિવાય વધુ એક વિશ્વ રેકોર્ડ. સુમિત અંતિલ અને અવનિ લેખરાને અભિનંદન.