સિદ્ધાર્થ શુક્લાની અંતિમ વિધી પૂર્ણ થયા બાદ તેમને આપવામાં આવી મુખાગ્ની
પંચ મહાભૂતોમાં વિલીન સિદ્ધાર્થ
સિદ્ધાર્થના અંતિમ સંસ્કાર
અંતિમ દર્શને પહોંચ્યા સ્ટાર્સ
સિદ્ધાર્થ શુક્લાના પાર્થિવ દેહને મુખાગ્ની આપવામાં આવી. આ સાથે જ તે પંચ મહાભૂતોમાં વિલીન થઈ ગયા છે. સિદ્ધાર્થના નિધનથી તેમનો પરિવાર અને સમગ્ર બોલિવૂડ તથા ટીવી જગત શોકમાં છે. આજે ઓશિવારા સ્મશાનમાં તેમના અંતિમ સંસ્કાર કરવામાં આવ્યા સિદ્ધાર્થની માતાએ રડતા રડતા ધ્રૂજતા હાથે સિદ્ધાર્થને મુખાગ્ની આપી હતી. 40 વર્ષની ઉંમરમાં ટીવી અને બોલિવુડ એક્ટર સિદ્ધાર્થ શુક્લાનું હાર્ટ એટેકના કારણે નિધન થયું હતું.
Mumbai: A crowd of people gathers outside Oshiwara Crematorium where the mortal remains of actor Sidharth Shukla have been brought for the last rites. Family and friends of the late actor are present here. pic.twitter.com/KDUjfcsi2B
મુંબઈમાં ભારે વરસાદની વચ્ચે સિદ્ધાર્થ શુક્લાના અંતિમ સંસ્કાર કરવામાં આવ્યા. તેમના અંતિમ સંસ્કારમાં નજીકના મિત્રો અને સંબંધિઓ પહોંચ્યા હતા. અભિનેતા જય ભાનુશાલી અને ગુરમીત ચૌધરી પણ સ્મશાન ઘાટ પહોંચી તેમણે અંતિમ વિદાય આપી હતી. હાલ સ્મશાન ઘાટની અંદર સિદ્ધાર્થનો પરિવાર હાજર છે. અંતિમ સંસ્કાર થઈ ગયો છે અને ઘણા લોકો અંતિમ સંસ્કારમાં શામેલ થયા બાદ પરત ફરી રહ્યા છે.
અંતિમ દર્શને પહોંચ્યા સ્ટાર્સ
સિદ્ધાર્થના અંતિમ દર્શન કરવા માટે બોલિવુડ અને ટીવી સ્ટાર્સનો જમાવડો જોવા મળ્યો હતો. શહનાઝ ગિલ, અર્જુન બિજલાની, રશ્મી દેશાઈ, રાખી સાવંત સહિતના સ્ટાર્સ તેના અંતિમ દર્શને પહોંચ્યા હતા. શહનાઝ ગિલ અને સિદ્ધાર્થના માતાને સિદ્ધાર્થની મોતથી ખૂબ જ મોટો સદમો લાગ્યો છે. બન્નેની હાલત રડી રડીને ખરાબ છે.
બાલિકા વધુથી ઘરે ઘરે થયા ફેમસ
આમ તો સિદ્ધાર્થ શુક્લા બાલિકા વધુથી ઘરે ઘરે ફેમસ થયા હતા. પરંતુ બિગ બોસ 13ના વિન બન્યા બાદ તેમની ફેન ફોલોવિંગ ખૂબ વધી ગઈ હતી. જણાવી દઈએ કે તેમની ફેમિલીમાં માતા અને બે મોટી બહેનો છે. સિદ્ધાર્થ જ્યારે મોડલિંગ કરતા હતા તે સમય તેમના પિતા અશોક શુક્લાનું ફેફસા ખરાબ થવાના કારણે મોત થઈ ગયું હતું. સિદ્ધાર્થ કપૂરે હોસ્પિટલમાં અંતિમ શ્વાસ લીધા હતા.