સુશાંતના કાર્ડમાંથી પૈસા ખાલી કરવાનું કામ રિયા ચક્રવર્તી કરતી હતી આ નિવેદન છે સુશાંતના ખાસ મિત્ર સિદ્ધાર્થ પિઠાણીનું. એક ન્યૂઝ ચેનલમાં આપેલા ઇન્ટરવ્યૂમાં સિદ્ધાર્થે કેટલાક ખુલાસા કર્યા છે.
સુશાંતના મિત્ર સિદ્ધાર્થનો ખુલાસો
રિયા વાપરતી હતી સુશાંતના કાર્ડ
રિયાના વધતા ખર્ચથી પરેશાન હતો સુશાંત
સિદ્ધાર્થ સુશાંત માટે કામ કરતો હતો અને તેને પૈસા મળતા ન હતા બાદમાં સુશાંતે તેને ફોન કરીને કહ્યું હતું કે તને તારા પૈસા મળી જશે તું આવી જા. સુશાંતે તેને કહ્યું કે તે એક્ટિંગ છોડી રહ્યો છે કદાચ તેની પાસે પૈસા નહી બચે. તે ખુબ જ ચિંતામાં હતો.
સુશાંતના સ્ટાફે સિદ્ધાર્થને કહ્યુ કે રિયા સુશાંતના કાર્ડ યુઝ કરીને વસ્તુઓ ઓર્ડર કરતી હતી. વધતા ખર્ચને કારણે સુશાંત ખુબ જ ચિંતામાં હતો અને તેણે સિદ્ધાર્થને કહ્યું કે, તેને આ વસ્તુમાં ચિંતા કરવાની જરૂર નથી.
પિઠાણી વિશે કહેવામાં આવે છે કે તે સુશાંત સાથે તેના જ ઘરમાં રહેતો હતો. રિયા પણ અહીં જ રહેતી હતી પરંતુ સુશાંતે આત્મહત્યા કરી તેના થોડા સમય પહેલા જ તે ઘર છોડીને જતી રહી હતી.
સુશાંતના મોત બાદ તેના પિતા કેકે સિંહે રિયા વિરુદ્ધ ફરિયાદ નોંધાવી છે અને તેના પર આરોપ લગાવ્યો છે કે તેણે સુશાંતના અકાઉન્ટમાંથી પૈસા કાઢી લીધા હતા. મુંબઇ અને બિહાર પોલિસ આ મુદ્દે તપાસ કરી રહી છે હવે શું સત્ય છે તે જલ્દી જ બહાર આવશે.