બોલિવુડના શાહી લગ્ન / 'ભવોભવના બંધન'માં બંધાયા 'પ્રેમીપંખીડા' કિયારા-સિદ્ધાર્થ, જૈસલમેરના પેલેસમાં રજવાડી ઠાઠમાં કર્યા લગ્ન

• બોલિવુડની વધુ એક જોડી બંધાઈ લગ્નના બંધનમાં
• કિયારા અડવાણી અને સિદ્ધાર્થ મલ્હોત્રાએ કર્યાં લગ્ન 
• જૈસલમેરના સૂર્યગઢ પેલેસમાં પરિવારની હાજરીમાં ફર્યાં ફેરા 

કિયારા અડવાણી અને સિદ્ધાર્થ મલ્હોત્રા બોલિવૂડના સૌથી લોકપ્રિય કપલોનું એક છે. 7 ફેબ્રુઆરી સિદ્ધાર્થ અને કિયારાના જીવનનો સૌથી સુંદર દિવસ બની ગયો છે. બંનેએ જેસલમેરના સૂર્યગઢ પેલેસમાં સાત ફેરા ફરીને લગ્ન કરી લીધા હતા. અત્યંત ગણ્યાગાંઠા લોકો, પરિવાર અને નજીકના મિત્રોની હાજરીમાં કપલે પ્રભુતામાં પગલાં પાડીને જીવનભર એકબીજાનો સાથ નિભાવવામાં કોલ કર્યાં હતા. આ શુભ પ્રસંગે બન્નેના પરિવાર અને મિત્રોએ તેમને આશીર્વાદ આપ્યાં હતા. 

 

 

 

 

View this post on Instagram

 

 

 

 

 

 

 

 

 

 

 

A post shared by HT City (@htcity)

સિદ્ધાર્થે અનોખી રીતે પાડી એન્ટ્રી 
જેસલમેરના સૂર્યગઢ પેલેસમાં વરરાજા સિદ્ધાર્થે 'બાર બાર દેખો'નું પ્રખ્યાત ગીત 'કાલા ચશ્મા' પર એન્ટ્રી મારી હતી. બેન્ડવાજા સાથે સિદ્ધાર્થ મલ્હોત્રાના લગ્નનો વરઘોડો શાહી અંદાજમાં નીકળ્યો હતો. તેમના લગ્નની તૈયારીઓ પણ જબરદસ્ત હતી. હોટલમાં બપોરે 2 વાગ્યે સમારોહ શરૂ થયો હતો. વરરાજા સિદ્ધાર્થને સાફો બાંધવામાં આવ્યો હતો. વરઘોડામાં વિન્ટેજ ગાડીઓ, ઊંટો અને ઘોડાઓના કાફલાઓ શરૂ થયા. સૂર્યગઢની બાવડી પર લગ્નના મંડપને સજાવવામાં આવ્યો હતો. લગ્ન પંજાબી રીતિ રિવાજ મુજબ થયા હતા. બંનેના લગ્ન માટે બધા જ ખૂબ જ ઉત્સાહિત હતા.

લગ્નની વિધિઓ
પ્રેમી પંખીડા સિદ્ધાર્થ અને કિયારાના લગ્નની વિધિઓ સોમવારે સવારે જોરશોરથી શરૂ થઈ હતી. રાજસ્થાની લોકગીતોના અવાજો સૂર્યગઢ પેલેસમાંથી સાંભળવા મળ્યાં હતા. 

મહેમાનોને અપાયો દેશી નાસ્તો 
સિદ્ધાર્થ અને કિયારાના લગ્નમાં પહોંચેલા મહેમાનોને ખાસ દેશી નાસ્તો આપવામાં આવ્યો હતો. જુહી ચાવલાએ સિદ્ધાર્થ અને કિયારાનો સૂર્યગઢ પેલેસથી સિદ્ધાર્થ અને કિયારાના નાસ્તાની મજા માણતો ફોટો શેર કર્યો છે. સિદ્ધાર્થ અને કિયારાના લગ્નમાં જૂહી ચલવાએ દેશી નાસ્તાની ખૂબ મજા માણી હતી.

શાહી લગ્નમાં રાજસ્થાની વાનગીઓનું જમણવાર 
સિદ્ધાર્થ મલ્હોત્રા અને કિયારા અડવાણીએ શાહી લગ્નમાં રાજસ્થાની વાનગીઓ પીરસી હતી. દાલ બાટી ચુરમા સાથે મહેમાનોને પંજાબી, થાઇ, ચાઇનીઝ અને કોરિયન ભોજન પીરસવામાં આવ્યું હતું. લગ્નની સાથે જ સિદ્ધાર્થ અને કિયારાએ એક ગ્રાન્ડ રિસેપ્શન પાર્ટી પણ રાખી છે.

બોલિવુડમાં કોણ રહ્યું હાજર 
આ લગ્નમાં બંનેના પરિવાર ઉપરાંત બોલીવૂડના માંધાતાઓએ હાજરી આપી હતી. આ લગ્નમાં કરણ જોહર, મનીષ મલ્હોત્રા, શાહિદ કપૂર, મીરા રાજપૂત, જૂહી ચાવલા ખાસ મહેમાન બન્યા હતા.